नांदगाव तालुक्यातील पिंपरखेड येथे विविध कार्यक्रम सौ. अंजुम कांदे यांच्या उपस्थितीत संपन्न,

पिंपरखेड ( प्रतिनिधी)- नांदगाव विधानसभा मतदारसंघाचे आमदार सुहास अण्णा कांदे हे तुमच्यासाठी रात्रीचा दिवस करून काम करत आहेत. मूलभूत सुविधा पुरवून, तुमची सामाजिक अस्मिता जपण्याचे ही काम आपले कुटूंबप्रमुख म्हणून ते करत आहेत. आणि वेळोवेळी जाहीर होणाऱ्या शासकीय योजनाची प्रभावीपणे अंमलबजावणीकरण्यासाठी ते स्वतः झटत असून, मला ही कामाला लावतात असे प्रतिपादन समाजसेविका सौ. अंजुम कांदे यांनी केले.

. नांदगाव तालुक्यातील पिंपरखेड ग्रामपंचायतीच्या अंतर्गत समाविष्ट असलेल्या आटकाट तांडा श्री. हनुमान मूर्ती, संत सेवालाल महाराज प्राण प्रतिष्ठा कार्यक्रम प्रसंगी उपस्थित महिला वर्गाला लडकी बहीण योजनेचे अर्ज वितरित करण्यात आले.त्यावेळी सौ. कांदे बोलत होत्या. पिंपरखेड येथील तांडा वस्तीवर या प्राणप्रतिष्ठा कार्यक्रमास उपस्थिती लावल्यानंतर वरील उपक्रम राबवण्यात आला. या योजनेची सविस्तर माहिती देऊन सौ. कांदे यांनी उपस्थित महिलांना मोठ्या संख्येने लाभ घेण्याचे आवाहन यावेळी केले.

   तत्पूर्वी सौ. कांदे यांच्या हस्ते स्वामी विवेकानंद सामाजिक संस्था पोहरे (ता. चाळीसगाव ) व पिंपरखेड ग्रामपंचायतीच्या संयुक्त विद्यमाने आयोजित कार्यक्रमात वृक्षलागवड करण्यात आली. यावेळी किरण कांदे, गटशिक्षण अधिकारी प्रमोद चिंचोले,बाजार समितीचे उपसभापती दीपक मोरे, संचालक जीवन गरुड,पिंपरखेड च्या सरपंच सौ. मंजुषा गरुड,शिवसेना महिला आघाडीच्या उपजिल्हाप्रमुख सौ. उज्वला खाडे, शहरप्रमुख रोहिणी मोरे, पत्रकार संतोष कांदे, निशा चव्हाण, भारती बागोरे, नवनाथ सोमवंशी,अँड. बाळकृष्ण कावळे,एन.के.राठोड, राजू मवाळ, माधव गरुड, श्री. देशमुख, आबा शिंदे, वसंत जाधव, रमेश काकळीज,काकासाहेब सोनावणे,दीपक शेलार,भावराव बागुल, सद्दाम शेख,आदी उपस्थित होते.