नांदगाव (प्रतिनिधी) - पुण्यश्लोक अहिल्यादेवी होळकर स्मारकाचे भूमिपूजन आमदार सुहास आण्णा कांदे व सौ.अंजुम ताई कांदे यांच्या हस्ते संपन्न झाले. गेल्या पंन्नास वर्षांपासून ची धनगर समाजाची मागणी आमदार सुहास कांदे यांनी पूर्ण केली . या बद्दल समस्त धनगर समाज हे कधीच विसरणार नाही असे मत बोलतांना राजेश शिंदे यांनी व्यक्त केले.
येत्या दोन महिन्यात स्मारक बांधून पूर्ण होईल व तो ही कार्यक्रम जल्लोषात करू असे आमदार सुहास कांदे यांनी सांगितले .
या प्रसंगी अहिल्यादेवी होळकर यांच्या पूर्णाकृती पुतळा जनतेला पाहण्यासाठी या ठिकाणी ठेवण्यात आला होता. यळ कोट यळ कोट जय मल्हार घोषणेने परिसर दणाणून गेला. . धनगर समाजा तर्फे आमदार सुहास आण्णा कांदे यांचा घोंगडी व फेटा देऊन सत्कार करण्यात आला तर आमदार कुटुंबियांकडून पूजेला बसणाऱ्या सर्व जोडप्यांना पैठणी व घोंगडी भेट देण्यात आली.
या प्रसंगी आमदार सुहास कांदे, अंजुम कांदे यांच्यासह साईनाथ गिडगे, शिवाजीराव गायकवाड, काशीनाथ काळे, नंदू खरात, सागर गोयंकर, भगवान सातपुते, देवीदास मार्तंड, महेंद्र दुकळे, रंगनाथ चव्हाण आदी अकरा जोडप्यांच्या हस्ते सपत्नीक प्रारंभी विधिवत पूजन करण्यात आले. त्यानंतर आमदार सुहास कांदे, अंजुम कांदे यांनी पूजेला बसलेल्या जोडप्यांचा पैठणी व घोंगडी भेट देऊन सत्कार केला. माजी उपनगराध्यक्ष शिवाजी पाटील, गंगादादा कर्नर आदानी धनगर समजाबांधवांच्या वतीने प्रलंबित प्रलंबित मागणी पूर्ण केल्याबद्दल आमदार सुहास कांदे यांचा पिवळा फेटा बांधून पारंपरिक घोंगडी व काठी देऊन सत्कार केला. ज्येष्ठ नेते बापूसाहेब कवडे, फरहान खान, मा. नगराध्यक्ष राजेश कवडे, किरण देवरे, प्रमोद भाबड, बाजार समितीचे सभापती अर्जुन पाटील, बाजार समितीचे संचालक समाधान पाटील, एकनाथ सदगीर, यज्ञेश कलंत्री, विष्णू निकम, सुधीर देशमुख, भास्कर नाईकवाडे, आनंद कासलीवाल, सागर हिरे, राजाभाऊ जगताप, रघुनाथ पारेकर, शंकर पारेकर, पपू कुनगर, वनाजी आयनोर, सुनील सोर, रमेश सोर आदी उपस्थित होते. राजाभाऊ देशमुख यांनी सूत्रसंचालन केले. राजेश शिंदे यांनी प्रास्ताविक केले. डॉ. गणेश चव्हाण यांनी आभार मानले.