नांदगावच्या व्ही. जे . हायस्कूल येथे क्रीडा क्षेत्रात उल्लेखनीय कामगिरी करणाऱ्या खेळाडूचा सत्कार,

नांदगाव( प्रतिनिधी ) - नांदगाव येथे क्रीडा दिनानिमित्त व्ही.जे हायस्कूलमध्ये  शुक्रवारी दि. २९ ऑगस्ट  रोजी क्रीडा क्षेत्रात उल्लेखनीय कामगिरी करणाऱ्या विद्यार्थ्यांचा तसेच पालकांचा सत्कार शाळेकडून करण्यात आला‌. यावेळी  दि. २० रोजी झालेल्या  महाराष्ट्र कबड्डी असोसिएशन ७२ एन डी ठाणे स्टेट सीनियर चॅम्पियनशिप २०२५ या स्पर्धेमध्ये राज्यपातळीवर खेळून व वूशु गेम्स मध्ये आपल्या शाळेचे व पालकांचे नाव उज्वल करणारी हुमेरा असलम पठाण या विद्यार्थिनीचा व तिचे वडील असलम पठाण आणि आई नौशिन पठाण यांचा सत्कार विद्यालयाच्या वतीने प्रमुख पाहुण्यांच्या हस्ते सत्कार करण्यात आला .  या विद्यार्थिनीच्या यशामध्ये सिंहाचा वाटा घेणाऱ्या व्ही .जे हायस्कूलच्या क्रीडाशिक्षिका सुनीता देवरे मॅडम यांनी विद्यार्थिनी मध्ये असलेली खेळाची आवड ओळखून तिला योग्य ते मार्गदर्शन करून चांगल्या प्रकारचे प्रशिक्षण देऊन विद्यार्थिनीला घडविले त्याबद्दल असलम पठाण व नौशिन पठाण यांनी क्रीडा शिक्षिका सुनीता देवरे मॅडम यांचे आभार मानले. यावेळी प्रमुख पाहुणे एडवोकेट गोरखनाथ बलकवडे-छत्रपती पुरस्कार विजेते कुस्तीगीर भगूर, सौ . मंगल शिरसाठ फिटनेस कोच,  योगेश शिरसाठ राज्यस्तरीय पहिलवान, कु.समीक्षा पवार राज्यस्तरीय पहिलवान, कु.नारायणी जोशी राज्यस्तरीय पहिलवान, शाळेचे माजी कुस्तीपटू उपमुख्याध्यापक डॉक्टर जोगेश्वर नांदुरकर, क्रीडा शिक्षिका श्रीमती सुनीता देवरे, डीएम बोर्ड सदस्य शिक्षिका प्रतिनिधी सौ रुपाली झोडगेकर तसेच शिक्षक व कर्मचारी, शाळेचे विद्यार्थी उपस्थित होते.