नांदगाव ( प्रतिनिधी)- नांदगाव तालुक्यातील बाभुळवाडी गावात चारित्र्याया संशयावरून पतीने पत्नीचा तीक्ष्ण हत्याराने खून करून मुलीला देखील जखमी केले. फरार आरोपी पतीला पोलिसांनी तात्काळ अटक केली. बाभुळवाडी गावातील संजय सोमनाथ दिवे व पत्नी बाली ऊर्फ सुगंधा, मुलगी करूणा राहत होते. संजयला पत्नीच्या चारित्र्याचा संशय आल्याने त्याने पहारेने मारहाण केली. यात सुगंधाचा जागीच मृत्यू झाला. मुलगी देखील यात जखमी झाली. तिला पुढील उपचारासाठी धुळे जिल्हा रुग्णालयात दाखल केले आहे. या घटनेची माहिती मिळताच उपविभागीय पोलीस अधिकारी पुष्कराज सुर्यवंशी यांनी घटनास्थळी धाव घेतली. या प्रकरणी नांदगाव पोलिसांत गुन्हा दाखल करण्याचे काम रात्री उशिरापर्यंत सुरू होते. पोलीस निरीक्षक रामेश्वर गाडे, पोलीस उपनिरीक्षक ईश्वर पाटील , वाघमारे, हवालदार राजू मोरे, अनिल शेरेकर , सागर कुमावत, सागर कुऱ्हाडे तपास करीत आहे.
No comments:
Post a Comment