नांदगावमध्ये महात्मा फुले जयंती उत्साहात साजरी

नांदगाव   (प्रतिनिधी )  - नांदगाव शहर व परिसरात मोठ्या उत्साहात महात्मा जोतिराव फुले जयंती झाली. यानिमित्ताने सार्वजनिक उत्सव समितीतर्फे सकाळी दहाला राष्ट्रपुरुषांच्या पुतळ्याला हार अर्पण करण्यात आले. महात्मा फुले यांच्या विचारांचे विविध दाखले उद्धृत करणारी 'ठळक अवतरणे' सुशोभित करण्यात आले होते. यानिमित्ताने शहरात विविध ठिकाणच्या शैक्षणिक संस्था, विद्यालये, महाविद्यालये, शासकीय कार्यालयांत प्रतिमापूजन झाले. मुख्य कार्यक्रम शहरातील महात्मा जोतिराव फुले यांच्या पुतळ्याजवळ झाला. आमदार सुहास कांदे, माजी नगराध्यक्ष राजेश कवडे, विनोद शेलार यांनी महात्मा फुल्यांच्या अर्धपुतळ्यास अभिवादन केले.