नांदगाव मध्ये प्रजासत्ताक दिन उत्साहात साजरा,

 

नांदगाव ( प्रतिनिधी)  - नांदगाव शहरात दि. २६ जानेवारी रोजी नांदगाव नगरपरिषद प्रांगणात ७५ वा प्रजासत्ताक दिन मोठ्या उत्साहात साजरा करण्यात आला. यावेळी नगरपरिषदेचे प्रशासक तथा मुख्याधिकारी विवेक पंडितराव धांडे यांचे हस्ते ध्वजारोहण करण्यात आले.शहरातील व्ही जे हायस्कूलमधील एन सी सी च्या पथकाने यावेळी पथसंचलन करून राष्ट्रध्वजास मानावंदना दिली.या प्रसंगी नांदगाव शहरातील अनेक मान्यवर, नागरिक, विद्यार्थी, शिक्षक तसेच नगरपरिषद अधिकारी व कर्मचारी आदी उपस्थित होते. नगरपरिषद इमारतीस व शहरातील सर्व महापुरुषांच्या पुतळ्यास आकर्षक रोशनाई करण्यात आलेली आहे.