नांदगाव नगरपरिषद येथे अंजुमताई सुहास कांदे यांच्या प्रमुख उपस्थितीत विविध अभियाना अंतर्गत गुणगौरव सोहळा ,

नांदगाव (प्रतिनिधी )  - नांदगाव येथे आज मंगळवारी २१ फेब्रुवारी  रोजी नांदगाव नगरपरिषद  महिला व बालकल्याण विभागा अंतर्गत स्वच्छ भारत अभियान २०२३ माझी वसुंधरा ३.० व लोकशाही पंधरवाडा इ. शासनाच्या विविध अभियानाच्या माध्यमातून नांदगाव शहरातील सर्व शाळेतील विद्यार्थ्यांसाठी व बचत गटातील महिलांसाठी चित्रकला, रांगोळी, वक्तृत्व, निबंध,व संगीत खुर्ची इत्यादी स्पर्धा स्पर्धा घेण्यात आल्या होत्या. या स्पर्धांमध्ये प्रथम, द्वितीय व तृतीय क्रमांक मिळवलेल्या विजेत्या स्पर्धकांना कार्यक्रमाचे प्रमुख अतिथी  अंजुमताई सुहास कांदे यांच्या हस्ते प्रशस्तीपत्र व स्मृतिचिन्ह देऊन गौरविण्यात आले. प्रधानमंत्री सूक्ष्म अन्नप्रक्रिया उद्योग या केंद्रशासन पुरस्कृत उपक्रमांतर्गत दीनदयाळ अंत्योदय योजना राष्ट्रीय नागरि उपजीविका अभियान नांदगाव नगरपरिषद अंतर्गत गंगेश्वर महिला बचत गट व सिद्धेश महिला बचत गट यांना प्रत्येकी चार लाख रुपये अर्थसाह्याचा धनादेश कार्यक्रमाचे प्रमुख अतिथी अंजुमताई सुहास कांदे यांच्या हस्ते वितरित करण्यात आले. राजश्री राजेंद्र बेलदार (अध्यक्ष स्त्रीशक्ती शहर संघ) , शबाना मंसुरी (सचिव स्त्रीशक्ती शहर संघ), अलका दिलीप गायकवाड (अध्यक्ष एकविरा वस्ती संघ), रत्ना वाबळे (सदस्य नीलंबरी वस्ती स्तर संघ), कोमल भालेकर (सदस्य ज्ञानज्योती वस्ती स्तर संघ) , बेबीनंदा मोरे (निर्मिती वस्ती स्तर संघ) यांची माझी वसुंधरा 3.0 व स्वच्छ भारत अभियान २०२३ अंतर्गत नांदगाव शहराचे ब्रँड अँम्बेसिडर  म्हणून नियुक्ती केल्याचे मुख्याधिकारी तथा प्रशासक, नांदगाव नगरपरिषद विवेक धांडे यांनी घोषित केले व अंजुमताई सुहास कांदे यांच्या हस्ते त्यांना नियुक्तीपत्र देण्यात आले. 

            विद्यार्थ्यांच्या सुप्त गुणांना चालना देण्यासाठी वेळोवेळी अशा स्पर्धा घेतल्या पाहिजेत ज्याद्वारे विद्यार्थ्यांचा सर्वांगीण विकास करता येईल . यासाठी वेगवेगळ्या विषयांवर नियमितपणे स्पर्धा आयोजित करण्यात याव्यात. तसेच बचत गटांसाठी ४२ नवीन उद्योग व त्या उद्योग व्यवसायांचे प्रशिक्षण लवकरच सुरु करणार असल्याचे आणि महिला बचत गटांसाठी महिला बँक सुरु करणार असल्याचे अंजुमताई कांदे यांनी सांगितले. नगरपरिषद अंतर्गत रविण्यात येणारे वेगवेगळे उपक्रम व अभियान या अंतर्गत स्वच्छ भारत अभियान, प्लास्टिक वापरावर बंदी,आणि वृक्ष संवर्धनाबाबत जनजागृती करण्यासाठी व या अभियानाचा प्रचार आणि प्रसार होण्यासाठी या स्पर्धेचे आयोजन करण्यात आले होते. या पुढेही निरंतर असे अधिका अधिक उपक्रम सुरु राहतील असे प्रतिपादन मुख्याधिकारी तथा प्रशासक विवेक धांडे यांनी केले.

  या  कार्यक्रमाप्रसंगी ज्येष्ठ पत्रकार व व्ही.जे.हायस्कूलचे शालेय व्यवस्थापन समितीचे अध्यक्ष संजीव धामणे, व्ही.जे. हायस्कूलचे मुख्याध्यापक  बडगुजर सर, नगरपरिषद शिक्षण मंडळाचे सर्व मुख्याध्यापक शिक्षक, शिक्षकेतर कर्मचारी, नगरपालिकेच्या प्रशासकीय अधिकारी मुक्ता कांदे, कर निरीक्षक राहुल कुटे, शिक्षण मंडळाचे लिपिक अनिल पाटील, विजया धनवट , नांदगाव नगर परिषदेचे सर्व अधिकारी व कर्मचारी यावेळेस उपस्थित होते.  कार्यक्रमाचे सूत्रसंचालन सहायक प्रकल्प अधिकारी आनंद महिरे यांनी केले. तर आभार नगरपरिषद शिक्षण मंडळाचे शाळा क्रमांक सहा चे मुख्याध्यापक शहीद शेख यांनी केले.