नांदगाव (प्रतिनिधी ) - नांदगाव येथील कमलाबाई कासलीवाल विद्यालयाचे शिक्षक किशोर शंकरराव बागले (५०) यांचे अल्पशा आजाराने निधन झाले. सामाजिक, शैक्षणिक क्षेत्रात उल्लेखनीय कामगिरी त्यांनी बजावली आहे.काही महिन्यांपूर्वी त्यांची मणक्याची शस्रक्रिया झाली होती तेंव्हा पासून त्यांची मृत्यूशी झुंज सुरू होती. अखेर मंगळवारी रात्री नाशिक येथे रुग्णालयात उपचार सुरू असतानाच त्यांची प्राणज्योत मालवली. त्यांच्या पश्चात आई, एक भाऊ, दोन बहिणी, पत्नी, दोन मुले असा परिवार आहे. नांदगाव येथील अमरधाम मध्ये त्यांच्यावर अंतिम संस्कार करण्यात आले यावेळी माजी नगराध्यक्ष राजेश कवडे, सुनील कासलीवाल, जे.टी.कासलीवाल स्कूलचे प्राचार्य मनी चावला, कासलीवाल विद्यालयाचे मुख्याध्यापक शरद पवार,शिक्षक, यांच्यासह राजकीय, शैक्षणिक, सामाजिक क्षेत्रातील मान्यवरांनी श्रद्धांजली अर्पण केली.
No comments:
Post a Comment