नांदगाव येथील दहेगाव नाका मित्रमंडळातर्फे भाविकांसाठी भंडाऱ्याचे आयोजन,

 

नांदगाव (प्रतिनिधी ) - नांदगावचा महाराजा दहेगाव नाका मित्र मंडळ यांचे यंदाचे ४५ वे वर्ष असून या ठिकाणी दरवर्षीप्रमाणे यंदाही विविध सामाजिक उपक्रम राबविले यात पहिल्या दिवशी पारंपरिक पद्धतीने शहरातून मिरवणूक काढण्यात आली. त्या नंतर दुसऱ्या व सातव्या दिवशी संध्याकाळी एकविरा भजनी मंडळाचा भजन संध्याचा कार्यक्रमाचे आयोजन करण्यात आले होते. या वेळी येथील भाविक भक्ताने मोठ्या संख्येने भक्ती संध्याचा आनंद घेतला.

त्या नंतर आठव्या दिवशी मंडळाच्या वतीने येथील नागरिकांना विविध झाडांची रोपे वाटप करून पर्यावरणाला वाचवुया हेच अभियान चालवुया असा संदेश देण्यात आला.९ व्या दिवशी दरवर्षी प्रमाणे सत्यनारायणाची महापूजा करून,महाआरती रवी गेजगे यांच्या हस्ते करून दोन ते अडीज हजार भाविकांसाठी भव्य भंडाऱ्याचे आयोजन करण्यात आले होते. या वेळी येथील भाविक भक्त मोठ्या संख्येने उपस्थित होते.या मंडळाचे संस्थापक अध्यक्ष दीपक अण्णा सोनवणे यांच्या नेतृत्वाखाली,बंटी सोनवणे,निलेश गेजगे, सागर जाधव, बापू जाधव.प्रसाद सोनवणे महेश चौघुले,किशन गुडेकर,रवी गेजगे,प्रतिक भालेकर,गणेश जाधव,गोटु गेजगे, दर्शन शेलार, सौरभ शर्मा,आदित्य भालेकर,दत्तु काळे आदींनी परिश्रम घेतले.