नांदगाव येथील आमरण उपोषणास मनसेचा जाहीर पाठिंबा, सरकारने आरक्षणासंदर्भात लवकर तोडगा काढावा,

नांदगाव ( प्रतिनिधी) - नांदगाव येथे सुरू असलेल्या साखळी उपोषण व आमरण उपोषणाला महाराष्ट्र नवनिर्माण सेनेच्या वतीने जाहीर पाठींबा देतांना नांदगाव तालुका अध्यक्ष प्रदीप थोरात,महिला आघाडीच्या तालुका अध्यक्षा रेखा शेलार,शहराध्यक्ष अभिषेक विघे, शहरसचिव कुणाल सौंदाने आदीची उपस्थिती होती. महाराष्ट्रामध्ये मराठा समाजाच्या आरक्षणासाठी ठिकठिकाणी शांततेत आंदोलन, उपोषण चालू आहे. नांदगाव मध्ये साखळी उपोषणाची आमरण उपोषणात रुपांतर होत आहे. तरी सरकार या विषयावर जाणूनबुजून डोळेझाक करीत आहे, यांची शासनाने गंभीर विचार करुन मराठा समाजास योग्य तो न्याय द्यावा व मनोज जरांगे पाटील यांचा जीव धोक्यात न घालता यावर लवकरात लवकर निर्णय घ्यावा, असे निवेदन महाराष्ट्र नवनिर्माण सेना नांदगाव तालुक्याच्या वतीने देण्यात आले. मनसेकडून या साखळी उपोषणास जाहीर पाठिंबा देण्यात आला.