नांदगाव (प्रतिनिधी) - नांदगाव येथील वाल्मीकी, मेहतर, भंगी समाजातील बांधवांना वारसा हक्काने नोकरी देण्याबाबत दिवाळीनंतर मुंबईला कामगार संघटनांच्या नेत्यांची बैठक घेऊन तोडगा काढणार असल्याचे आश्वासन पालकमंत्री दादा भुसे यांनी दिले. त्यामुळे दोन दिवसांपासून येथील पालिका कार्यालयाबाहेर सुरू असलेले बेमुदत उपोषण स्थगित करण्याचा निर्णय उपोषणकर्त्यांनी घेतला.
वाल्मीकी, मेहतर, भंगी या समाजाला वारसाहक्काने नोकरी देण्यात यावी असा न्यायालयाचा आदेश असताना सुद्धा नोकरी मिळत नसल्याने व प्रलंबित मागण्यांसाठी वारसदार, कुटुंबातील घटक, सर्व निवृत्त कर्मचारी
सेवानिवृत्त आमरण उपोषण सुरु होते. गुरुवारी उपोषणाचा दुसरा दिवस होता. त्यातील रणजित आहिरे, बापू भालेकर, प्रदीप भालेकर या तिघा उपोषणार्थीची प्रकृती बिघडल्याने त्यांच्यावर ग्रामीण रुग्णालयातील वैद्यकीय अधिकाऱ्यांनी उपचार केले. नागसेन चव्हाण यांनीही उपोषणार्थीची भेट घेत त्यांचे गाऱ्हाणे ऐकून घेत पालिका प्रशासनाला तोडगा काढण्याचे आवाहन केले होते. पालकमंत्री दादा भुसे यांनी मुख्याधिकारी विवेक धांडे यांच्याशी दूरध्वनीवर चर्चा करीत वाल्मीकी, मेहतर, भंगी समाजातील बांधवाना वारसा हक्काने नोकरी देण्याबाबत दिवाळीनंतर तोडगा काढणार असल्याचे सांगितले. त्यानंतर नांदगाव नगरपरिषद मुख्याधिकारी विवेक धांडे यांनी पालिका कार्यालयाबाहेर बेमुदत उपोषणकर्ते यांची भेट घेत पालकमंत्री यांनी दिलेली माहिती उपोषणकर्ते यांना दिली. यानंतर आंदोलन रात्री दहा वाजेच्या सुमारात स्थगित करण्यात आले. सामाजिक न्याय व विशेष सहाय्य विभागाने वारसा हक्काने निवे नियुक्ती मिळण्यासाठी पालिकेला तत्व मार्गदर्शन करण्याचे पत्रच दिले नसल्याने उपोषणावर व आतापावेतो झालेल्या त्याग आंदोलनातून तोडगा निघू शकलेला गोड नाही. यावेळी नांदगाव शहराचे माजी नगराध्यक्ष राजेश कवडे, न.पा.चे राहुल कुंटे , संजय सानप, आनंद शिंदे, सोनू पेवाल, राजाभाऊ गूढेकर, किरण फुलारे, विकी पेवाल, सचिन गुढेकर, अरबाज बेग, यांन राहुल गुढेकर, सुजित जगताप, हरिभाऊ भालेकर, समाधान सूर्यवंशी, रवी सानप, लखन भालेकर, नंदू ससाणे, दिगंबर गुढेकर, सुनील गुढेकर उपस्थिती होती. येथील अरुण पाटील, संतोष गुप्ता, मनोज चोपडे, दिपक सोनवणे, समाजसेविका संगिता सोनवणे, राकेश चंडाले, प्रदिप थोरात यांनी उपोषणाला पाठींबा दिला.
No comments:
Post a Comment