भारतीय जनता पक्षाकडून तीन राज्यांच्या निवडणुकीत मिळवलेल्या विजयानंतर जल्लोष,

नांदगाव (प्रतिनिधी) -  नुकताच काल  रविवार दि. ३ डिसेंबर  रोजी भारतीय जनता पार्टीने मध्यप्रदेश, राजस्थान, छत्तीसगढ मध्ये मिळवलेल्या घवघवीत यशा नंतर भारतीय जनता पार्टीच्या कार्यकर्त्यांनी जल्लोष केला. निकालानुसार मध्य प्रदेश मध्ये एकुण २३० जागांपैकी भा.ज.पा - १६४, काँग्रेस - ६५, इतर १, तसेच,  राजस्थान मध्ये एकुण १९९ जागांपैकी भा.ज.पा - ११५, काँग्रेस - ६९, इतर - १५ व छत्तीसगढ मध्ये ९० जागांपैकी भा.ज.पा - ५४, काँग्रेस - ३५, इतर - १ अशा मोठ्या फरकाने भारतीय जनता पार्टीने यश मिळवले आहे. मिळालेले यश हे इतके महत्त्वाचे आहे कारण भा.ज.पा समोर सगळे विरोधक एकत्र येऊन सुध्दा विरोधक काही कमाल करु शकले नाहीत. आणि विरोधकांनी भारतीय जनता पार्टीच्या विकासा समोर सपशेल पराभव पत्करावा लागला आहे अशी चर्चा सगळीकडे ऐकण्यात आली. 

                 नांदगाव शहरात  भा.ज.पा तर्फे ढोल ताशांच्या गजरात कार्यकर्त्यांनी जल्लोष केला.  नांदगाव शहरातील नागरिकांना पेढे भरवुन आनंद व्यक्त करण्यात आला. याप्रसंगी भा.ज.पा च्या जेष्ठ नेत्या ॲड. जयश्रीताई दौंड, जिल्हा सरचिटणीस संजय सानप, शहर अध्यक्ष राजाभाऊ बनकर, किसान मोर्चा जिल्हा अध्यक्ष सजन कवडे, जिल्हा चिटणीस डॉ. राजेंद्र आहेर, शहर उपाध्यक्ष मनोज शर्मा, भगवान सोनवणे, शहर सरचिटणीस सोमनाथ घोंगाणे, प्रशांत खैरनार, बळवंत शिंदे, युवा मोर्चा शहर अध्यक्ष अशोक पेंढारकर, भरत काकड सर, ॲड. हिरालाल गांधी,  शेंडगे, आकाश पानकर सुरेश कुमावत ,दिंडे‌सर , सुरेश काळे आदी भारतीय जनता पार्टीचे कार्यकर्ते उपस्थित होते.