मनमाड रेल्वे स्थानकावर जालना ते मुंबई वंदे भारत एक्स्प्रेसचा जोरदार स्वागत,

मनमाड (विशेष प्रतिनिधी) - भारतीय रेल्वेच्या वतीने काल  अजून सहा वंदे भारत रेल्वेचे लोकार्पण पंतप्रधान नरेंद्र मोदी यांच्या हस्ते करण्यात आले . यातील जालना ते मुंबई या गाडीचे जालना येथून रेल्वे राज्यमंत्री रावसाहेब दानवे यांनी हिरवा झेंडा दाखवून लोकार्पण केले. तर मनमाड येथे केंद्रीय मंत्री डॉ. भारती पवार भुसावळ डिव्हिजनचे डी आर एम इथी पांडे व आमदार नरेंद्र दराडे यांनी स्वागत करून गाडीला पूढे रवाना केले .यावेळी रेल्वेच्या वतीने घेण्यात आलेल्या विविध स्पर्धेत बक्षीस मिळवणाऱ्या विद्यार्थ्यांना मान्यवरांच्या हस्ते बक्षीस वाटप करण्यात आले.यावेळी ढोल ताशांच्या गजरात या वंदे भारत रेल्वेचे स्वागत करण्यात आले.यावेळी भाजपच्या कार्यकर्त्यांनी भाजपचे ध्वज घेऊन या कार्यक्रमात जल्लोष साजरा केला .कार्यक्रम शासकीय होता की भाजपचा असा प्रश्न सर्वसामान्य जनतेला पडला होता.