नांदगाव शहरात प्रथमच कलर्स मराठी - सुर नवा ध्यास नवा फेम अविनाश कदम यांची खास उपस्थिती,

नांदगाव ( प्रतिनिधी ) - नांदगाव येथे महापुरुषांच्या जयंती तसेच पवित्र रमजान ईद निमित्त समाज प्रबोधनपर गीत गायनाचा कार्यक्रम डॉ बाबासाहेब आंबेडकर चौक येथे BMA ग्रुप नांदगाव यांच्या तर्फे दि. १२ एप्रिल रोजी सायंकाळी  आयोजित करण्यात आला होता.या वेळी कार्यक्रमाचे उदघाटक म्हणुन मनमाडनगरीचे गणेश धात्रक हे होते. तर अध्यक्षस्थानी नाशिकचे समाज भुषण मोहन अढांगळे हे उपस्थित होते. तसेच मान्यवरांच्या हस्ते छत्रपती शिवाजी महाराज, क्रांतीबा महात्मा ज्योतिबा फुले,राजर्षी शाहू महाराज,प्रज्ञासुर्य डॉ बाबासाहेब आंबेडकर या महापुरुषांच्या प्रतिमेला पुष्पहार अर्पण करुन डॉ .बाबासाहेब आंबेडकर या महामानवाच्या पुतळ्याला अभिवादन करून कार्यक्रमाची सुरुवात करण्यात आली.

या कार्यक्रमाचे खास आकर्षण म्हणुन उपस्थित असलेले कलर्स मराठी- सुर नवा ध्यास नवा फेम अविनाश कदम यांनी जसा गुलाब बोलतोया या सुगंधी जाईला भिम आवडीने बोले रामु रामू रमाईला या गीताची सुरवात करुन मान्यवरांचे व प्रेषकांचे मने जिंकली होती.

     एका पाठोपाठ भिमरायाला मानवंदना देण्यास सुरुवात झाली . त्या नंतर सामाजिक क्षेत्रातील उलेखनीय कामगिरी करणार्‍या पत्रकार निलेश वाघ, प्रा . सुरेश नारायणे, प्रज्ञानंद जाधव, राजेंद्र जाधव, महेश पेवाल यांना तर   माया पगारे,सौ . शिलेलाल, जयंती अध्यक्ष सिध्दांत काकळीज, सागर आडकमोल, मा.अध्यक्ष मंगेश पगारे, मा.  नगरसेविका अक्काबाई सोनवणे तसेच सर्वच महापुरुष सार्वजनिक जयंती उत्सव समितीचे अध्यक्ष यांना सन्मान चिन्ह शाॅल पुष्प देऊन मान्यवरांच्या हस्ते गौरविण्यात आले होते . पुन्हा प्रसिद्ध गायक अविनाश कदम यांनी डॉ . बाबासाहेब आंबेडकर यांच्या जीवनातील अनेक प्रसंग तसेच प्रत्येक बहुजन समाजासाठी त्यांनी किती प्रयत्न केले .ते देखील आपल्या प्रबोधन गीत गायनातून जनतेला सांगीतला बहुजन समाज बांधवांनी व जनतेने मनसोक्तपणे या कार्यक्रमाचा आस्वाद घेतला या वेळी फुले, शाहु,आंबेडकर, प्रमुख पाहुणे म्हणून नितिन जाधव, संतोष गुप्ता, संतोष बळीद, दर्शन आहेर, श्रावण आढाव, दिपक सोनवणे,रोहित जाधव , मोहीत भोसले, दिपक अंभोरे ,आयोजक बी.एम.ए. ग्रुप सूत्रसंचालक मनोज चोपडे यांनी केले.