आपापसातील गटतट विसरून विकासासाठी सर्वांनी एकत्र यावे - सौ. अंजुम कांदे यांचे प्रतिपादन,

नांदगाव (प्रतिनिधी) - आजमितीस नांदगाव मतदार संघातील एकही गाव असे नाही की, जेथे आमदार सुहास अण्णाचे काम पोहचले नाहीये.कुठलाच भाग दुर्लक्षित केला नाही.आनंदनगर मध्ये काम करण्यास उशीर झाला.याचे कारण तुम्हाला माहित आहे. आपापसातील हेवेदावे विसरून जावेत. म्हणजे कामे लवकर होतात. असे प्रतिपादन समाजसेविका सौ. अंजुम सुहास कांदे यांनी केले.

    नांदगाव शहरातील आनंदनगर मध्ये भूमिगत गटार, व काँक्रिटिकरण,चांडक प्लॉट ते शहराला जोडणारा पुलाचे भूमिपूजन,चांडक प्लॉट मध्ये श्रीराम मंदिर सभामंडप लोकार्पण,व महाजन वाडा येथे सुशोभीकरण कामाचे भूमिपूजन सौ. कांदे यांचे हस्ते करण्यात आले. त्यावेळी त्या बोलत होत्या.

    जी जी कामे तुम्ही सुचवली,त्यातील बरीचशी पूर्ण झाली आहेत.तर काही प्रगतीत आहेत.आणि नवीन कामांना मंजुरी मिळाल्याने त्यांचे आज भूमिपूजन करण्यात आले. आणि शहराच्या,नगराच्या,वस्तीच्या विकासासाठी आपापसातील गटतट विसरून एकत्र या.! आमच्याकडे कुठलाही जातीभेद,धर्मभेद केला जात नाही. मूलभूत व प्राथमिक गरजा मिळवणे हा तुमचा जसा हक्क आहे, तसे ते आमचे कर्तव्य आहे. असे सौ. कांदे शेवटी म्हणाल्या.

    यावेळी महिला आघाडीच्या शहर अध्यक्ष रोहिणी मोरे, शहर अध्यक्ष सुनील जाधव, रिपाई शहरप्रमुख महावीर जाधव, माजी नगरसेवक सौ. कामिनी साळवे, अँड. सचिन साळवे, अँड. विद्या कसबे, मुज्जू शेख, अय्याज शेख, अरुण साळवे, महेंद्र गायकवाड, माया शेळके, नेहा कोळगे, विद्या शिंदे, अलका पवार, बाळू इप्पर, कचेश्वर गिते, नितीन जाधव, सुरेखा सानप, गीता शिंदे, संगीता निकम, नयना खटके, योगिता बच्छाव, भारती बोरसे, दिपक सोनावणे, बाळासाहेब मोरे, निलेश काळे,मोती शेख, निर्मला केदारे, हेमंत शिंदे, समाधान शिंदे, बिरू शिंदे, तानसेन जगताप, आदीसह आनंदनगर,चांडक प्लॉट, महाजन वाडा परिसरातील शेकडो नागरिक उपस्थित होते.