नांदगाव (प्रतिनिधी) - मराठी पत्रकारीतेचे जनक आद्य पत्रकार आचार्य बाळशास्त्री जांभेकर यांच्या जयंती निमित्ताने दि.६ जानेवारी रोजी नांदगाव तालुका मराठी पत्रकार संघाच्या वतीने पत्रकार दिन साजरा करण्यात आला.
आचार्य बाळशास्त्री जांभेकर यांची जयंती संपुर्ण महाराष्ट्रात पत्रकार दिन साजरी केली जाते. नाशिक जिल्हा मराठी पत्रकार संघ सल्लग्न नांदगाव तालुका मराठी पत्रकार संघाच्या वतीने येथील पुण्यश्लोक अहिल्यादेवी होळकर उद्यान येथे जेष्ठ पत्रकार विजय चोपडा यांच्या अध्यक्षतेखाली पत्रकार दिन साजरा करण्यात आला. कार्यक्रमाच्या सुरुवातीला जेष्ठ पत्रकार विजय चोपडा, तालुका अध्यक्ष संजय मोरे, सरचिटणीस अमिन शेख आणि मान्यवरांच्या हस्ते छत्रपती शिवाजी महाराज, डॉ. बाबासाहेब आंबेडकर, महात्मा फुले तसेच दर्पणकार आचार्य बाळशास्त्री जांभेकर यांच्या प्रतिमांचे पूजन करण्यात आले. पुण्यश्लोक अहिल्यादेवी होळकर यांच्या पुतळ्यास पुष्पहार अर्पण करण्यात आला. यावेळी जेष्ठ पत्रकार विजय चोपडा, अमिन शेख, संजय मोरे यांनी मनोगत व्यक्त केले. याप्रसंगी राजमाता पुण्यश्लोक अहिल्यादेवी होळकर उत्सव समितीचे सुनील सोर, डॉ गणेश चव्हाण, शरद आयनोर, सुनील मेंगणार, दिपक भिसे, दिपक बनगर, गणेश सोर यांनी पत्रकारकारांचा सत्कार केला. दरम्यान
पत्रकार दिनानिमित्त शहरातील सुप्रसिद्ध डॉ. परितोष गुप्ता यांच्या गुप्ता मेडिकेअर मल्टी स्पेशालिटी हॉस्पिटलच्या विद्यमाने पत्रकारकारांची संपुर्ण आरोग्य तपासणी करण्यात आली.
कार्यक्रमाच्या यशस्वीतेसाठी चंचल गंगवाल, अनिल धामणे, सुहास पुणतांबेकर,मोहम्मद शेख, महेश पेवाल, गणेश जाधव, परवेझ शेख, अझर शेख, विजय भावसार, मंगेश सोनस पदाधिकारी व सदस्य यांनी परिश्रम घेतले. सुत्रसंचलन अनिल आव्हाड यांनी केले. आभार चंचल गंगवाल यांनी मानले.
No comments:
Post a Comment