नांदगाव ( प्रतिनिधी) - नांदगाव शहरातील मुख्य मार्गावर, चौका - चौकात अशा मोकाट मुकी जनावरे फिरताना व रस्त्यावर मधोमध बसत असताना वाहनचालक, महिला, वय वृद्ध व्यक्ती यांना त्रास सहन करावा लागत आहे. शहरातील बहुतांश रस्त्यांवर मोकाट जनावरांनी ठिय्या मांडला आहे. परिणामी वारंवार वाहतूक विस्कळीत होण्याबरोबरच छोट्या- मोठ्या अपघातांचे प्रमाणही वाढले आहे. नगर पालिकेकडून मोकाट जनावरांच्या बंदोबस्तासाठी कुठलीही मोहीम राबविली जात नसल्याचे पहावयास मिळत आहे. परंतु, रस्त्यावरच मोकाट जनावरे उभी राहत असल्याने पादचा-यांसह वाहनचालकांना त्रास सहन करावा लागत आहे. त्यामुळे शहरातील वाहतूक वारंवार विस्कळीत होत आहे. परंतु, नगर परिषदेच्या दुर्लक्षामुळे मोकाट जनावरांची संख्या वाढली आहे आणि त्याचा परिणाम वाहतुकीवर होत आहे. ज्या व्यक्तीचे ही जनावरे आहेत त्यांवर प्रशासन कारवाई कधी करणार अशा प्रश्न नागरिकांना पडला आहे. मोकाट जनावरे मुळं एखाद्या व्यक्तीचा जीव जावू शकतो. त्यामुळे प्रशासनाने लवकरात लवकर यांवर लक्ष देण्याची मागणी जोर धरू लागली आहे.
No comments:
Post a Comment