नांदगाव (प्रतिनिधी ) - महाराष्ट्र राज्याचे युवा धोरण ठरविण्यासाठी गठित करण्यात आलेल्या राज्यस्तरीय समितीवरील सदस्यांची नियुक्ती राज्य सरकारकडून नुकतीच जाहीर करण्यात आली आहे. समितीत विशेष निमंत्रित म्हणून १३ सदस्यांची निवड करण्यात आली असून , यामध्ये नांदगाव विधानसभा मतदारसंघाचे आमदार सुहास कांदे यांची सदस्य म्हणून निवड करण्यात आली आहे. यासंबंधीचे परिपत्रक नुकतेच काढण्यात आले आहे. महाराष्ट्र राज्याचे युवा धोरण ठरविण्यासाठी शालेय शिक्षण व क्रीडा विभागाने मे २०२५ मध्ये समिती स्थापना केली होती. या समितीत १३ विशेष निमंत्रित सदस्यांची निवड करण्यात आली आहे. नांदगाव विधानसभा मतदारसंघाचे आमदार सुहास कांदे यांच्या सह प्रवीण दटके, देवेंद्र कोठे, डॉ. बाबासाहेब देशमुख, वरुण सरदेसाई, रोहित पाटील या तरुण आमदारांचा यामध्ये समावेश करण्यात आला आहे.
No comments:
Post a Comment