मनमाड येथे शिवसेना ठाकरे पक्षाकडून हिंदी भाषा अनिवार्यता रद्द करावी प्रशासनाकडे निवेदन,

मनमाड (प्रतिनिधी ) - हिंदी भाषेचा वाद राज्याच्या राजकारणात जोर धरू लागला आहे. या वादात महायुती सरकारने शालेय शिक्षणात हिंदी भाषा सक्तीची केल्याने नागरिकांनी संताप व्यक्त केला आहे.  मराठीचा गळा घोटण्याचे काम शिंदे - फडवीस सरकारच्या वतीने सुरू आहे अशी प्रतिक्रिया ठाकरे गटाकडून देण्यात आली. शाळेत इयत्ता पहिली पासून हिंदी भाषा अनिवार्य करणाऱ्या परिपत्रकाची होळी शिवसेना उध्दव बाळासाहेब ठाकरे पक्षाच्या वतीने आज मनमाड येथे करण्यात आली. तर ची अनिवार्यता रद्द करण्यात यावी अशी मागणी करणारे निवेदन प्रशासनाला देण्यात आले. यावेळी मोठ्या संख्येने ठाकरे गटाचे पदाधिकारी, कार्यकर्ते उपस्थित होते.