नांदगाव शहरातील शिवस्फुर्ती मैदानावर विविध मागण्यासाठी मराठा समाजाचे उपोषण

नांदगाव (प्रतिनिधी)-  नांदगाव मध्ये मराठा समाजाच्या प्रलंबित मागण्याकरिता खा. संभाजी राजे छ्त्रपती यांच्या मुंबईत सुरु केलेल्या उपोषणाला  पाठिंबा दर्शवविण्यासाठी नांदगावतही अखिल भारतीय मराठा संघ, मराठा क्रांती मोर्चा, सकल मराठा समाजाच्या वतिने ईथील शिवस्फुर्ती मैदानावर उपोषण सुरु करण्यात आले. मराठा समाजाला आरक्षण ,  अण्णासाहेब महामंडळातर्फे मिळणारे कर्जाची रक्कम वाढवून मिळावी, मराठा समाजाच्या विद्यार्थीसाठी प्रत्येक जिल्ह्यात वस्तीगृह सुरु करणे, आदोलक तरुणावरील गुन्हे मागे घेण्यात याव्यात आदी मागण्याकरिता ईथे उपोषणास बसले आहे. यावेळी मराठा समाजाच्या मागण्या मान्य केल्या नाही , यापुढे तीव्र स्वरुपाचा आदोलन करण्यात येईल ईशारा देण्यात आला. यावेळी निवेदनावर शिवाजीराव जाधव, विशाल वडघुले, संगिता सोनवणे, निलेश चव्हाण, ज्ञानेश्वर गरुड, गोरख आहेर, देविदास देवरे, प्रमोद पगारे,  जगदीश झाल्टे, नाना पवार, महेंद्र झाल्टे यांच्या सह्या होत्या.