मनमाड ( प्रतिनिधी) - महाराष्ट्र बोर्ड तंत्रशिक्षण तर्फे - २०२२ घेण्यात आलेल्या डी- फार्मसी अंतिम वर्षाच्या परिक्षेचा नुकताच निकाल काही दिवसापूर्वी लागला.
यात मनमाडमधील रिक्षाचालक असद खान यांची मुलगी पठाण सुफिया असद खान हीने डी - फार्मसी अंतिम परिक्षेत प्रथम क्रमांक ८५.५० % गुण मिळवत यश संपादन केले. कन्नड तालुक्यातील कुंजखेडा येथील उमर बिन खत्तीब वेरफॉल ट्रस्टीच्या डी - फार्मसी महाविद्यालयात प्रथम क्रमांकांनी पास झाली.
रिक्षा चालकांच्या मुलीने ईतके मोठी गरूड झेप घेतल्याने मनमाड शहरात निकालाची वृत लागताच प्रत्येक जण कौतुकाचा वर्षाव करत आहे. मुलीच्या यशाबद्दल मनमाडच्या बस स्टॅन्ड रिक्षा युनियनतर्फे असद खान यांचा व त्यांच्या मुलीचा सत्कार करण्यात आला. काबाळकष्ट करत रिक्षा चालकांने मुलीला फार्मसी मध्ये प्रवेश मिळवून दिला. मुलीने संधीचे सोने करत प्रचंड मेहनतीने , अभ्यास करत तीने या परिक्षा यशस्वी पास करत नावलौकीक केले. मुलीच्या यशाबद्दल वडिलांनी आनंदाने शाबासकी देत पुढील वाटचालीस शुभेच्छा दिल्या आहे.
No comments:
Post a Comment