शिंदे गटाला शिवसेना पक्षांचं नांव, चिन्ह धनुष्यबाण निर्णय जाहीर होताच नांदगावमध्ये फटाक्यांची आतषबाजी करत आनंद साजरा,

नांदगाव शहर (प्रतिनिधी) -   केंद्रीय निवडणूक आयोगाने शिंदे गटाला शिवसेना पक्षाचे नाव व चिन्ह धनुष्यबाण निर्णय जाहीर करताच नांदगाव येथील आमदार सुहास अण्णा कांदे संपर्क कार्यालय चांडक प्लाझा या ठिकाणी मोठा जल्लोष करण्यात आला. 

  शिवसेना जिल्हाप्रमुख किरण देवरे यांच्या उपस्थितीत शिवसेना पदाधिकारी, युवासेना, महिला आघाडीचे पदाधिकारी,  व मोठ्या संख्येने शिवसैनिक यावेळी उपस्थित होते. 

   उपस्थित शिवसैनिकांनी एकमेकांना पेढे भरवत तसेच फटाक्याची आतिषबाजी करत आनंद साजरा केला.  या यावेळी हिंदुरुदय सम्राट बाळासाहेब ठाकरे यांचा विजय असो, एकनाथ शिंदे साहेबांचा विजय असो, सुहास अण्णा तुम आगे बढो हम तुम्हारे साथ है, आमची आन-बान शान धनुष्यबाण अशा विविध घोषणांनी परिसर दणाणून गेला होता.