नांदगाव (प्रतिनिधी) - शिवनेरी शासकीय विश्रामगृह येथील मा.बाळासाहेब ठाकरे सभागृहात आमदार सुहास आण्णा कांदे यांनी सर्व राष्ट्रीयकृत बँक अधिकाऱ्यांची विविध विषयांवर बैठक घेतली.
गेल्या अनेक दिवसांपासून नांदगाव मधील बँक कर्मचारी ग्राहकांना योग्य मार्गदर्शन करत नाही, सहकार्य करत नाही किंवा उद्घटपणे वागतात अशा तक्रारी आमदार संपर्क कार्यालयात आल्या होत्या. या पार्श्वभूमीवर आमदार सुहास आण्णा कांदे यांनी सर्व अधिकाऱ्यांची बैठक बोलावण्यात आली होती.
या वेळी उपस्थित सर्व बँक मॅनेजर यांना सद्यपरिस्थिती पाहता ग्रामीण भागातील शेतकरी बांधवांना कर्ज प्रकरण असो वा इतर काहीही काम असो आपण सहकार्याची भूमिका घेऊन काम करावे अशी सूचना केली. आपण कर्मचारी आहात आणि गाव आमचे आहे तेंव्हा आपण सामंजस्य घेऊन प्रत्येक ग्राहकाला समजून घ्या त्याला मदत करा असे आवाहन केले. ग्राहकांना त्रास होईल असे कोणी कर्मचारी वागत असेल तर त्याला तशी ताकीद द्या असे या वेळी सांगितले.
या बैठकीत स्टेट बँक, महाराष्ट्र बँक, बँक ऑफ बडोदा, महारष्ट्र ग्रामीण बँक, एच डी एफ सी बँक, युनियन बँक आदी बँकेचे मॅनेजर यावेळी उपस्थित होते.
No comments:
Post a Comment