नांदगाव (प्रतिनिधी) - शालेय पोषण आहार शिजवणाऱ्या महिलांना अत्यंत तुटपुंज्या स्वरुपात मानधन मिळते. यासह अन्न शिजवताना अनेकदा अपघात होऊन महिला जखमी झाल्या आहेत. त्यांना अपघाती विमा मिळावा यासाठी आधारवड महिला बहूउद्देशिय सेवाभावी संस्थेच्या वतीने नांदगाव पंचायत समितीच्या कार्यालयावर भव्य मोर्चा काढण्यात आला. यात अध्यक्ष संगिता सोनवणे यांच्या नेतृत्वाखाली हा मोर्चा काढण्यात आला. कोण म्हणतं देणार नाही घेतल्या शिवाय राहणार नाही. एक रुपयाचा कढीपत्ता सरकार आमचे बेपत्ता आशा स्वरूपात जोरदार घोषणाबाजी करण्यात आली. यावेळी प्रभारी अधिकारी नंदा ठोके यांनी आंदोलन कर्त्यांची भेट घेऊन त्यांच्या मागण्या जाणून घेतल्या व वरिष्ठ स्तरावर आम्ही आपल्या मागण्या कळवतो असे आश्वासन दिले. हा मोर्चा छोट्या स्वरूपात काढला आहे , भविष्यात याचे रुद्र रूप धारण करून सरकारला धारेवर धरू असे सोनवणे यांनी यावेळी सांगितले.नांदगाव तालुक्यातील शेकडो महिला मोर्चात सहभागी झाल्या होत्या.
No comments:
Post a Comment