मानवी जीवनाचा संबंध हा विज्ञानाशी - अमित बोरसे, नांदगाव येथील न्यू इंग्लिश विद्यालयात ५१ व्या तालुकास्तरीय विज्ञान प्रदर्शन,

नांदगाव (प्रतिनिधी ) - विज्ञान प्रदर्शन हे  विद्यार्थ्यांना सुप्त कलागुणांना वाव देणारे असून,  शिक्षकांनी त्यांच्यातील कल्पनाशक्ती व संशोधक वृत्तीला चालना देऊन भविष्यातील संशोधक तयार करावेत असे आवाहन म. वि. प्र. संस्थेचे नांदगाव तालुका संचालक अमित बोरसे पाटील यांनी केले. ते न्यू इंग्लिश  विद्यालयात आयोजित ५१ व्या तालुकास्तरीय विज्ञान प्रदर्शनाच्या उदघाटन प्रसंगी बोलत होते. यावेळी अध्यक्षस्थानी गटविकास अधिकारी संदीप दळवी होते. तर प्रास्ताविक विज्ञान अध्यापक संघ अध्यक्ष संजय बच्छाव यांनी केले.याप्रसंगी अमित बोरसे यांनी बोलताना सांगितले की, मानवी जीवनाचा संबंध हा विज्ञानाशी आला आहे. आजचे विज्ञान प्रदर्शन हे महान शास्त्रज्ञांना आदरांजली ठरेल.  अब्दुल कलाम हे अतिशय गरीब परिस्थितीतून आले आहेत. देशासाठी त्यांनी मोठे योगदान दिले आहे. आई - वडिलांनी विद्यार्थीच्या कला गुणांना वाव दिला पाहिजे. तालुक्यातील सर्व संस्थांनी एकत्र येवून विद्यार्थ्यांना एक वेगळे व्यासपीठ उभे करून देण्यासाठी प्रयत्न करायला हवेत..

व्यासपीठावर गटविकास अधिकारी संदीप दळवी, गटशिक्षणाधिकारी प्रमोद चिंचोले, पोलीस उपनिरीक्षक खडांगळे, पत्रकार अनिल आव्हाड, संजय मोरे, विस्तार अधिकारी नंदा ठोके, न. पा. प्रशासन अधिकारी प्रशासन अधिकारी एन. एम. चंद्रमोरे, जिल्हा विज्ञान अध्यापक संघ कार्यवाहक अरुण पवार, स्कूल कमिटी अध्यक्ष दिलीप देवचंद पाटील, विजय काकळीज, राजाराम गवांदे, मुख्याध्यापक डी. व्ही. गोटे, मुख्याध्यापक

मुख्याध्यापक वाय चव्हाण, मुख्याध्यापिका जे. आर .काळे, मुख्याध्यापिका एस. एस. कांबळे, मुख्याध्यापक योगेश पाटील, जी. ए .वैद्य, पी .एन‌ खुटे, आयोजक अविनाश शेवाळे, सी. डी .अहिरे, उमेश पाटील, निलेश इप्पर, सुनील कोठावदे, भाऊसाहेब सोनवणे, अजित पगार, आत्माराम बोरसे, बाबूलाल ठोंबरे, प्रवीण ठोंबरे आदींची उपस्थिती होती.