नांदगावच्या महाविद्यालयात यशवंतराव चव्हाण तीनदिवसीय व्याख्यानमालेची सांगता,

                              ( छायाचित्रकार-  सुहास पुणतांबेकर)

नांदगाव ( प्रतिनिधी ) - नांदगाव  येथील मविप्र समाजाचे कला वाणिज्य आणि विज्ञान महाविद्यालय नांदगाव येथे तीनदिवसीय यशवंतराव चव्हाण व्याख्यानमाला पार पडली. व्याख्यानमालेचे पहिले पुष्प डॉ. शामकुमार दुसाने (नाशिक) यांनी 'आरोग्यावर बोलू काही...' या विषयाने गुंफत आरोग्याची निगा दैनंदिन जीवनात सहज-सोप्या पद्धतीने कशी राखली जाईल या विषयावर प्रकाशझोत टाकला. डॉ.बी.बी.आहिरे (लासलगाव) यांनी व्याख्यानमालेचे दुसरे पुष्प 'आपत्ती व्यवस्थापन...' या विषयावर चर्चा करत गुंफले. प्रा. राजाराम मुंगसे यांनी 'रसास्वाद...' या विषयाने व्याख्यानमालेची सांगता करताना साहित्यातील नऊ रस दैनंदिन जीवनात कशा पद्धतीने कायम सामील असतात याचे विश्लेषण केले. सावित्रीबाई फुले पुणे विद्यापीठ, पुणे बहि:शाल शिक्षण मंडळ आणि मविप्र समाजाचे, कला, वाणिज्य आणि विज्ञान महाविद्यालय नांदगाव यांच्या संयुक्त विद्यमाने या व्याख्यानमालेचे आयोजन करण्यात आले होते. याप्रसंगी अध्यक्षस्थानी प्राचार्य डॉ.एस.एन.शिंदे, उपप्राचार्य डॉ.एस.ए.मराठे उपस्थित होते. प्रास्ताविक केंद्र कार्यवाह प्रा.एस.पी.भोसले यांनी केले. सूत्रसंचालन प्रा.प्रवीण शार्दूल, प्रा.पूजा जाधव, प्रा.योगेश वाघ यांनी केले. आभार डॉ.भारती धोंगडे यांनी मानले. व्याख्यानमाले प्रसंगी सर्व विद्यार्थी, प्राध्यापक वृंद व शिक्षकेतर कर्मचारी उपस्थित होते.