नांदगाव (प्रतिनिधी ) - नांदगाव येथील कला, वाणिज्य व विज्ञान महाविद्यालय येथे २३ जून रोजी सकाळी आठ वाजता महाविद्यालयाच्या गेट पासुन ऑलम्पिक दिन रन वॉकची सुरुवात करण्यात आली. ह्या कार्यक्रमास प्रमुख पाहुणे म्हणून प्राचार्य डॉ.आर.एन.भवरे, उपप्राचार्य डॉ. एस. ए. मराठे , डी. एम. राठोड, क्रीडा संचालक एल. एम. गळदगे, SDO प्रमुख डॉ. ए. न. मदने, NSS समन्वयक बी. पी. मोरे. ई. मान्यवर उपस्थित होते.
या ऑलम्पिक दिवसाच्या कार्यक्रमासाठी महाविद्यालयातील बी.ए., बी.कॉम बीएससी वर्गाचे विद्यार्थ्यांनी सहभाग घेतला होता. ऑलम्पिक दिन रन अँड वॉक स्पर्धा संपल्यानंतर डॉ. आर. एन. भवरे यांनी सर्व विद्यार्थ्यांना ऑलम्पिक स्पर्धेचे महत्व, स्पर्धेत सहभागी होण्यासाठी करावे लागणारे कष्ट व आजच्या खेळाडूची स्थिती यांची माहिती उदाहरणासह देवून, सध्याच्या युवकांना मैदानावर खेळण्यासाठी यावे. यासाठी सोशल मिडिया पासून लांब राहण्यास सांगून प्रोत्साहन दिले. कार्यक्रमास महाविद्यालयातील सर्व शिक्षक, शिक्षकेत्तर कर्मचारी आणि विद्यार्थ्यांचा समावेश होता. तसेच या कार्यक्रमाच्या यशस्वीतेसाठी क्रीडा संचालक एल.एम गळदगे, डी. एम. राठोड , दिलीप आहेरराव यांनी प्रयत्न केले.
No comments:
Post a Comment