नांदगाव (प्रतिनिधी ) - नांदगाव येथील ‘नमन एज्युकेशन सोसायटी’ संचलित रेंनबो इंटरनॅशनल स्कूल यांची शेतात प्रत्यक्ष भेट दिली होती. विद्यार्थ्यांच्या उपस्थितीत नमन एज्युकेशन सोसायटीचे अध्यक्ष संजय बागुल उपाध्यक्ष सौ.सरिता बागुल , रेंनबो इंटरनॅशनल स्कूल मुख्याध्यापिका स्मिता सुर्यवंशी यांच्या नेतृत्वाखाली ही प्रत्यक्ष भेट आयोजित करण्यात आली.
या शैक्षणिक वर्षात ३० सप्टेंबर रोजी शाळेच्या मुख्याध्यापिका, सर्व शिक्षक वर्ग तसेच सर्व विद्यार्थ्यांनी नांदगाव येथिल प्रगती शील शेतकरी दिगंबर रंगनाथ पाटील (काकळीज) यांच्या शेतात प्रत्यक्ष भेट दिली. विद्यार्थ्यांना प्रत्यक्षात शेतीची तेथील कार्यपद्धती याची माहिती असणे आवश्यक आहे. फक्त पुस्तक किंवा चित्रांवरून माहिती सांगणे, हे मुलांच्या जास्त लक्षात आले नसते. त्यामुळे प्रत्यक्ष त्या ठिकाणी जाऊन मुले जेव्हा बघतात, तेव्हा ते त्यांच्या जास्त स्मरणात राहतात. म्हणूनच मुलांना प्रात्यक्षिक ज्ञान देण्यासाठी ही प्रत्यक्ष भेट घडवून आणण्यात आली. सर्वप्रथम शेत, शेतातील पिके, ट्रॅक्टर, तेथील जनावरे, शेती करण्यासाठी लागणारी अवजारे यांची माहिती देण्यात आली. निसर्गरम्य वातावरणात ही भेट अत्यंत आनंददायी ठरली.
मुले फुलपाखरांसारखे इकडे तिकडे बागडत आनंद व्यक्त करत होती.प्रदीप काकळीज आणि सुभद्राबाई काकळीज यांचे मोलाचे सहकार्य लाभले त्यांनी प्रत्यक्षात आम्हाला सर्व शेती दाखवून त्याबद्दल मुलांना सर्व माहिती सांगितली. तसेच त्यांच्याकडून सर्व मुलांना खाऊ चे वाटप करून मुलांचे कौतुक करण्यात आले.
ही भेट उत्तम रित्या घडवून आणण्यात रेंनबो इंटरनशनल स्कूलच्या शिक्षिका व शिक्षकेतर कर्मचारी यांनी मेहनत घेऊन ही भेट उत्तम रित्या घडवून आणली.
