नांदगावमध्ये मुस्लीम बांधवाकडून "आझादी का अमृत महोत्सव" मध्ये सामील होण्यासाठी जनजागृती,

नांदगाव (प्रतिनिधी) - आज नांदगाव शहरातील जामा मस्जिद नांदगाव येथे  जुम्माच्या सामुहिक नमाज नंतर असंख्य मुस्लीम बांधवांनी दोन्ही हाताने तिरंगा आपल्या छातीशी धरून  मस्जिद च्या आवारात तसेच मुख्य प्रवेश द्वारा समोर "आझादी का अमृत महोत्सव"  मध्ये सामील होण्यासाठी जनजागृती केली, मुस्लीम बांधवानी मोठ्या संख्येने एकत्रीतपणे राष्ट्रध्वज हातात घेऊन एकसाखळी तयार करून  देशभक्तीचे दर्शन घडवून दिले. मुस्लीम समाजामध्ये तसेच संपुर्ण शहरात भारत देशाच्या एकात्मतेचा संदेश यामुळे दिला गेला. देशाच्या स्वतंत्र लढ्यात अनेक मुस्लीम उलेमानी बलिदान दिलेले आहे, देशहिताचे, एकात्मतेचे, आपण ज्या मातीत जन्मलो त्या मातीशी एकनिष्ठ राहण्याचे धडे मुस्लीम जामा मस्जिदचे पेश इमाम मुफ्ती फहीम सहाब हे नेहमीच आपल्या प्रवचनातून देत असता याप्रसंगी मुफ्ती फहीम, जमातचे अमीर हाजी मुनव्वर पठाण, हाजी युसुफ (जमजम), रहेनुमा फाऊंडेशन चे अध्यक्ष हाजी सईद शेख, आयाज भाई शेख तसेच अनेक प्रतिष्ठित नागरिक या प्रसंगी आवर्जून उपस्थित होती