भाजपच्या नाशिक जिल्हा सरचिटणीसपदी संजय सानप यांची नियुक्ती,

नांदगाव ( प्रतिनिधी ) - नांदगाव येथील संजय बबनराव सानप यांची भारतीय जनता पक्षाच्या नाशिक जिल्हा सरचिटणीसपदी नियुक्ती करण्यात आली असून,  जिल्हाध्यक्ष शंकरराव वाघ यांनी नुकतीच जिल्हा कार्यकारिणी जाहीर केले आहे.

   भारतीय जनता पक्षाचे जिल्हाध्यक्ष शंकरराव वाघ यांनी नुकतीच त्यांची जिल्हा कार्यकारिणी जाहीर केली असून नांदगाव तालुक्यातील हरहुन्नरी, चतुरस्त्र व्यक्तिमत्त्व असलेल्या संजय बबनराव सानप यांच्या कार्याची दखल घेत त्यांची भारतीय जनता पक्षाच्या जिल्हा सरचिटणीस पदी नियुक्ती केली आहे. नांदगाव तालुक्यातील जेष्ठ नेत्या ॲड. जयश्री दौंड यांच्या नंतर जिल्हा स्तरावर काम करण्याची संधी त्यांना मिळाली आहे. आतापर्यंत त्यांनी विविध पदांवर यशस्वीरीत्या काम केले आहे. त्यांच्या निवडीचे सर्व स्तरातून स्वागत केले जात असून पुढील कार्यासाठी शुभेच्छा दिल्या आहेत.