आमदार सुहास कांदे यांच्या हस्ते विधीवत पुजारून गणरायाची स्थापना, गेल्या २६ वर्षांपासून गोदावरी एक्स्प्रेसमध्ये गणेशोत्सव होतोय उत्साहात साजरा,

मनमाड ( विशेष प्रतिनिधी) - मनमाड आपल्या सगळ्यांचा लाडका आणि आनंदाचा उत्सव म्हणजे गणेश चतुर्थी आपल्या लाडक्या गणरायाची सगळेचजण आतुरतेने वाट बघत असतात आणि सर्वत्र वेगवेगळ्या पद्धतीने हा उत्सव साजरा केला जातो .भारतात एकमेव ठिकाण असे आहे , जिथे गणराया रोज मनमाड ते कुर्ला अप डाऊन करतात ते म्हणजे मनमाड कुर्ला गोदावरी एक्सप्रेस मधील गणेशोत्सव गेल्या २६ वर्षांपासून मोठ्या उत्साहात साजरा केला जातो‌ यंदाही हा करण्यात आला .आमदार सुहास कांदे यांच्या हस्ते  विधिवत पुजा करून गोदावरीच्या राजाची स्थापना करण्यात आली. गोदावरी एक्सप्रेस ही आता ३ दिवस धुळे येथून करण्यात आली असुन लवकरच मुख्यमंत्री एकनाथ शिंदे यांच्यासोबत केंद्रीय रेल्वे मंत्र्यांची भेट घेऊन ही गाडी पूर्ववत मनमाड येथूनच कशी सुरू करता येईल यासाठी मी प्रयत्न करणार असल्याचे मत आमदार कांदे यांनी व्यक्त केले.यावेळी चांगला पाऊस पडू दे दुष्काळ दूर होऊ दे अशी प्रार्थना केली असल्याचे कांदे यांनी सांगितले. यावेळी रोज अप डाऊन करणारे चाकरमानी मोठ्या संख्येने उपस्थित होते.