नांदगाव( प्रतिनिधी) - नांदगाव शहरात काल गुरुवारी दि. २१ संप्टेंबर रोजी दुपारी मधल्या सुट्टीत क.मा.कासलीवाल विद्यालयात माकडांनी शालेय विद्यार्थ्यांवर अचानक हल्ला केला. यात शाळेचे दोन विद्यार्थी जखमी झालेत .यात इयत्ता पहिली ची विद्यार्थिनी आलम नसरा मोबीन शेख हिच्या पायावर फ्रॅक्चर झाला व तर इयत्ता दुसरीचा सेमी इंग्लिश विद्यार्थी रूद्र पंकज पाटील याला माकडाने चावा घेतला. आलम या मुलीला डॉक्टर अत्रेकडे नेले असता त्यांनी एक्सरे काढण्यास सांगितले. उपचारासाठी एक्सरे डॉ .तुसे यांच्याकडे केले असता त्यांनी प्लास्टर करण्यास सांगितले. त्यासाठी डॉक्टर कुलथे हे मुंबई वरुन दर गुरुवारी न्यु पुजा मेडिकल डॉ.आबेडकर चौक येथे आलेले असल्याची माहिती मिळाली. त्या विद्यार्थीनीला कुलथे डॉक्टरांकडे प्लास्टर साठी नेले व प्लास्टर करून घेतले. या विद्यार्थिनीच्या पालकांकडे पैसे नसल्या मुळे तिचा सर्व खर्च शाळेतर्फे करण्यात आला.दुसऱ्या विद्यार्थ्यांला सिव्हिल हॉस्पिटलमध्ये इंजेक्शन देण्यासाठी त्यांच्या पालकांना बोलावुन घेतले. या मुलास रेबीज चे इंजेक्शन देण्यात आले व अजुन दोन इंजेक्शन पुढील दोन दिवसांत देण्यात येणार आहे.
शहरात माकडाची टोळधाड अन्नाचे शोधार्थ आली असून, या माकडांनी काही शालेय
विद्यार्थी ना जेवणाचे सुट्टीत जखमी केल्याने नागरिक मध्ये घबराट पसरली आहे. ही मुले जेवण करणासाठी ग्राउंड वर आली असता माकडाने अचानक मुलावर हल्ला केला यात दोन विद्यार्थी जखमी झाली. त्यांच्या वर तातडीने उपचार करण्यात आले. तसेच हल्ला करणारे माकडांचा बंदोबस्त करण्यासाठी वन विभागात तक्रार करून माकडाचे बंदोबस्ताची मागणी करण्यात आली आहे.
No comments:
Post a Comment