नांदगाव (प्रतिनिधी ) - नांदगाव येथे श्री बाबा रामदेवजी यांची जयंती दरवर्षी प्रमाणे यंदाही मोठ्या जल्लोषात साजरी करण्यात आली.यंदाचे हे ६ वर्षे असून श्री रामदेवजी बाबा यांच्या पालखीची भव्य मिरवणूकीची सुरुवात सांयकाळी शहरातील गांधी चौकापासून वाजत गाजत मोठ्या भक्ती भावाने करण्यात आली.ही मिरवणूक सोनार गल्ली ,कासार गल्ली, विठ्ठल मंदिर, कलंत्री गल्ली,महावीर मागें पालखी मिरवणूक काढत पुन्हा गांधी चौकात आल्या नंतर माजी नगराध्यक्ष राजेश कवडे यांच्या हस्ते महाआरती करण्यात आली.या वेळी भाविक भक्त मोठ्या संख्येने उपस्थित होते.शहरातील सुप्रसिद्ध व्यापारी ज्योती अग्रवाल यांच्या नेतृत्वाखाली या पालखी सोहळ्याचे आयोजन करण्यात आले होते.
या नंतर रात्री गुप्ता लॉन्स येथे जम्मा जागरण आणि श्री रामदेवजी बाबा यांची जन्म उसत्वाची अमृतकथाचे प्रवचन ज्योतीप्रसाद अग्रवाल व श्री रामदेवबाबा भक्त मंडळ यांनी केले.या ठिकाणी आमदार सुहास कांदे यांच्या हस्ते महाआरती करण्यात आली व शहरातील भक्त परिवाराच्या मागणीनुसार श्री रामदेवजी बाबा मंदिरास दहा लाख रुपये निधी उपलब्ध करून देणारआमदारांनी या वेळी जाहीर केले .
या धार्मिक सोहळ्यात शहरातील भाविक भक्तांनी मोठ्या संख्येने या अमृतकथेचा लाभ घेतला.या वेळी शहरातील व्यापारी वर्ग,भाविक भक्त मोठ्या संख्येने उपस्थित होते. या कार्यक्रमाचे आयोजन श्री बाबा रामदेव भक्त मंडळ नांदगाव यांनी केले होते.
No comments:
Post a Comment