नांदगाव (प्रतिनिधी) - नांदगाव येथील पोलिस स्टेशनजवळ प्रमुख मागण्यांसाठी आमरण उपोषण सुरू आहे. जोपर्यंत मागण्या मान्य होत नाही, तोपर्यंत येथेच ठिय्या मांडून उपोषण सुरू असणार आहे अशी भूमिका उपोषणकर्त्या महिलांनी घेतली आहे . या उपोषणाला विविध पक्ष, संघटना पाठिंबा देत आहे . काल गुरुवारी ठाकरे गटाने येथे येऊन या उपोषणाला पाठिंबा दर्शविला आहे. शालेय पोषण आहार योजनेतील महिला कर्मचाऱ्यांना मिळणाऱ्या अत्यल्प पगार वाढवून मिळावा व इतर मागण्यांसाठी उपोषणास बसलेल्या महिलांना उपोषणस्थळी जाऊन नांदगाव तालुक्याचे माजी आमदार जगन्नाथ धात्रक , तालुका प्रमुख संतोष अण्णा गुप्ता , उद्धव बाळासाहेब ठाकरे पक्षाच्या वतीने पाठिबा देण्यात आला.
No comments:
Post a Comment