नांदगावात निवडणूकीच्या पार्श्वभूमीवर पोलिसाचे शहराच्या विविध भागातून पथसंचलन,

नांदगाव (प्रतिनिधी ) - दिंडोरी लोकसभा निवडणुकीचा प्रचार संपला असून, सोमवारी मतदान होणार आहे . या पार्श्वभूमीवर मतदान शांततेत पार पडावे, यासाठी शहर पोलिस दलाने शहरातील प्रमुख मार्गावरून पथसंचलन केले. जिथे मतदान प्रक्रिया पार पडणार अशा ठिकाणी बंदोबस्त करण्यासाठी पोलिस बलाच्या तुकड्या तैनात करण्यात येणार आहे. याठिकाणी  शांतता व्यवस्था अबाधित राहावी, यासाठी रूट मार्चचे आयोजन केले होते.यावेळी पोलीस निरीक्षक प्रीतम चौधरी, सहायक पोलिस निरीक्षक सुनील बडे यांच्यासह पोलीस उपनिरीक्षक संतोष बहाकर, पोलीस उपनिरीक्षक मनोज वाघमारे पोलिस निरीक्षक प्रीतम चौधरी यांच्या नेतृत्वाखाली नांदगाव पोलीस ठाण्यापासून संचलनाला सुरुवात झाली. नांदगाव शहरातील डॉ .बाबासाहेब आंबेडकर चौक, महात्मा गांधी चौक, महात्मा फुले चौक, अहिल्याबाई चौक,  छत्रपती शिवाजी महाराज चौक,  हुतात्मा स्मारक चौक प्रमुख मार्गावरून संचलन करण्यात आले. पोलीस ठाण्यात संचलनाचा समारोप झाला. संचलनात सहा पोलिस अधिकारी, महिला-पुरुष पोलीस कर्मचारी, तसेच गृहरक्षक दलाचे जवान मोठ्या संख्येने सहभागी झाले होते.