नांदगाव नगर परिषदेस नगरोत्थान योजनेतून डॉग शेल्टर बांधकामासाठी निधी मंजूर,

 नांदगाव (प्रतिनिधी)  -  नांदगाव नगर परिषदेच्या नवनिर्वाचित नगराध्यक्ष व नगरसेवक तसेच नगरपरिषद प्रशासन यांचे संयुक्त आढावा बैठकीत २१ फेब्रुवारी  रोजी मा. जिल्हाधिकारी नाशिक यांचेकडे नगराध्यक्ष सागर हिरे यांनी बांधकामासाठी निधी  मागणी केली.  जिल्हाधिकारी नाशिक यांनी महाराष्ट्र सुवर्ण जयंती नगरोत्थान महाअभियान जिल्हास्तर अंतर्गत ४६ लक्ष ९७हजार इतकी रक्कम मंजूर करून प्रशासकीय मान्यता प्रदान केली,  असल्याची माहिती नगराध्यक्ष सागर यांनी याबाबत  माहिती दिली. 

    शहर व परिसरातील भटक्या कुत्र्यांच्या त्रासामुळे नागरिकांच्या मागणीप्रमाणे भटक्या कुत्र्यांचा बंदोबस्त करणे आवश्यक आहे.  या कामी निधी मिळणे साठी  आमदार सुहास कांदे यांनी प्रयत्न केले .   जिल्हाधिकारी यांनी या महत्वपूर्ण कामासाठी तातडीने निधी मंजूर करून प्रशासकीय मान्यता प्रदान केली आहे. याबाबतचे आदेश  नगरपरिषद प्रशासनास प्राप्त झाले . लवकरच या कामी निविदा प्रक्रिया करून काम काम सुरू करण्यात येईल अशी माहिती मुख्याधिकारी शामकांत जाधव यांनी दिली. सर्वोच्च न्यायालयातील रिट याचिका ५/२०२५ मध्ये न्यायालयाने भटक्या जनावरामुळे मानवाच्या दैनंदिन जीवनात होणारा उपद्रव तसेच मानव श्वान संघर्ष टाळण्यासाठी उपाययोजना करणे कामी निर्देश दिले होते.