हनुमान नगर येथे सुतार समाज्याचे आराध्य दैवत प्रभु श्री विश्वकर्मा महाराज जयंती उत्सवात साजरी,

 नांदगाव (प्रतिनिधी) - नांदगाव मध्ये शनिवारी दि. ०४  रोजी सुतार समाज्याचे आराध्य दैवत प्रभु श्री विश्वकर्मा महाराज जयंती उत्सव सालाबादाप्रमाने हनुमाननगर येथील श्री विश्वकर्मा महाराज मंदिरात मोठ्या उत्साहात साजरा करण्यात आला.सकाळी १०ः०० वाजता श्री विश्वकर्मा महाराज मुर्तीची विधिवित पुजा व सत्यनाराण महापुजा भारत शेलार व राणी शेलार यांनी सपत्नीक केली तर महाआरती विश्वकर्मा सुतार समाज विकास संस्थेचे पदाधिकारी यांनी सपत्नीक यांनी केली.

    यावेळी कार्यक्रमास उपस्थित प्रमुख पाहुणे भाजपा माजी तालुकाध्य दत्तराज छाजेड,चंद्रशेखर कवडे,उद्धव बाळासाहेब ठाकरे शिवसेनेचे तालुकाध्यक्ष संतोष गुप्ता,जेष्ट पत्रकार सुरेश शेळके,संजय मोरे,अँँड सचिन साळवे,शिवसेनेचे शहराध्यक्ष सुनील जाधव,सर्जेराव पाटील, नंदू पाटील,बाळासाहेब खैरणार आदी उपस्थित होते.

जयंतीनिमित्त समाज बांधवांना जेष्टे नेते बापुसाहेब कवडे,आमदार सुहास कांदे,कृषी उत्पन्न बाजार समितीचे माजी सभापती तेज कवडे यांनी शुभेच्छा दिल्या..या प्रसंगी कार्यक्रमास उपस्थित प्रमुख अतिथींचा सत्कार विश्वकर्मा सुतार समाज विकास संस्थेच्या वतीने करण्यात आला.या प्रसंगी प्रमुख अतिथी दत्तराज छाजेड यांनी आपले मनोगत व्यक्त करताना म्हणाले की श्री विश्वकर्मा भगवान हे सर्व समाज्याचे दैवत आहे तालुक्यात सुतार समाज्याचे संघटन असून याचे फलित नांदगाव शहरात प्रभू विश्वकर्मा भगवान चे भव्य मंदिर उभारले असून या बरोबरच इतर कामे जोमात सुरू आहे. आमदार सुहास कांदे यांनी मंदीर परिसरात सभामंडपसाठी निधी दिला त्याबद्दल समाज्याच्या वतीने आभार मानले.श्री विश्व कर्मा सुतार समाज विकास संस्थेचे अध्यक्ष संजय कदम यांनी नांदगाव तालुका खादी ग्रामोद्योग संघाच्या अध्यक्ष पदी बिनविरोध निवड झाल्याबद्दल दत्तराज छाजेड यांनी सत्कार केला. यावेळी उपस्थित महिलानी हळदी कुंकवाच कार्यकम झाला.उपस्थिताना विश्वकर्मा युवा मंडाळा तर्फ महाप्रसाद वाटप करण्यात आला.या प्रसंगी विश्वकर्मा सुतार समाज विकास बहुउद्देशीय सेवाभावी संस्थेचे अध्यक्ष संजय कदम उपाध्याक्ष प्रा.वात्मिक जाधव,सचिव बाबासाहेब कदम खजिनदार दिपक मोरे संचालक नंदुलाल अहिरे,सुभाष पेंढारकर,मधुकर खैरनार,राजेंद खैरनार,दिगबर गवळे,दयाराम सूर्यवंशी,बापु जाधव, अशोक कदम सोपान कदम,बाळासाहेब जाधव, सुनील शेलार ,संतोष जाधव,विश्वकर्मा युवा मंडळाचे किरण हिरे,जयवंत पेंढारकर चंद्रकांत गवळे,नरेंद्र सूर्यवंशी,सौरभ मोरे,समाधान कदम,लखन ठाकरे,स्वप्नील खैरनार,समाधान खैरनार, मयूर कदम,महिला संगिता कदम,सुलोचना खैरनार,उषा पेंढारकर,सुंनदा आहिरे,मनिषा कदम,विद्या कदम,पुष्पा मोरे,निता जाधव,दिपाली आहिरे,सोनाली जाधव,फुलवंता,पेंढारकर,वर्षा मोरे,आदी माहिला मोठया संख्येने उपस्थितत होते.

आज नांदगाव येथे माता रमाई जयंतीनिमित्त "मी रमाई " चित्रपटाचे आयोजन ,

नांदगाव (प्रतिनिधी) -  त्यागमूर्ती माता रमाई यांच्या १२५ व्या जयंती निमित्त ७ फेब्रुवारी रोजी आई इंटरनॅशनल फिल्म प्रॉडक्शन एकपात्री संकल्पनेतून मराठी चित्रपट "मी रमाई' दाखवण्यात येणार असल्याचे राजर्षी शाहू महाराज सामाजिक संघटनेच्या वतीने सांगण्यात आले. नांदगाव शहरात प्रथमच माता रमाई यांच्या जयंती निमित्त राजर्षी छत्रपती शाहू महाराज सामाजिक संघटनेच्या वतीने छोट्या पडद्यावरील अभिनेत्री प्रियांका उबाळे यांच्या उपस्थितीत "मी रमाई" चित्रपट दाखविण्यात येणार आहे. यावेळी माता रमाई यांच्या जीवनावर व्याख्यान आयोजित केले आहे. श्री संत शिरोमणी सावता महाराज मंदिर कंपाउंड नांदगाव येथे कार्यक्रमाचे आयोजन करण्यात आले आहे.

उद्या नांदगाव मध्ये युवासेना प्रमुख आदित्य ठाकरे यांचा शेतकरी संवाद दौरा,

            

नांदगाव ( प्रतिनिधी) -  शिवसेना नेते व माजी पर्यावरण मंत्री आमदार आदित्य ठाकरे हे उद्या मंगळवारी दि. ७ फेब्रुवारी रोजी दुपारी दोनला शेतकरी संपर्क दौऱ्या निमित्त नांदगांव च्या जैन धर्मशाळा येथे येत आहे.  त्यांच्या सोबत विधान परिषदेचे विरोधी पक्षनेते अंबादास दानवे  हेही शिव सेनेच्या अनेक मान्यवरासोबत उपस्थितीत राहणार आहेत.  शेतकरी संवाद दौऱ्याची अशी माहिती  तालुक्यातील पदाधिकार्यांनी दिली आहे. शेतकरी प्रश्नावरून सरकार चे लक्ष वेधणार आहे.  राज्यात सत्तांतर झाल्यानंतर  युवासेना प्रमुख आमदार आदित्य ठाकरे यांचा यानिमित्ताने नांदगाव दौरा महत्वाचा मानला जात आहे. महाराष्ट्रा तील बंडखोरी केलेल्या आमदारांचा मतदार संघ ते पिंजून काढत आहे.  शेतकरी मेळाव्यातून बंडखोर आमदारांवर काय भाष्य करता अख्या जिल्ह्याचे लक्ष लागून आहे. या मेळाव्यात मोठ्या संख्येने शेतकरी उपस्थित राहतील .

नांदगाव शहरातील चौकाचौकात राज्य गीतांचे सामुहिक गायन,

नांदगाव (प्रतिनिधी) -  नाशिक शिक्षण प्रसारक मंडळ,नाशिक संचलित व्ही.जे.हायस्कूल नांदगाव येथील विद्यार्थ्यांनी स्वानंद उपक्रमांतर्गत नांदगाव शहरातील चौकाचौकात राज्य गीतांचे सामुहिक गायन केले.इयत्ता ६ वी च्या विद्यार्थ्यांनी यात सहभाग घेतला. महाराष्ट्र शासनाने या गीताला नुकताच राज्य गीतांचा दर्जा दिला आहे.या सर्व विद्यार्थ्यांना मार्गदर्शन कलाशिक्षक चंद्रकांत दाभाडे यांनी केले. नांदगाव संकुल प्रमुख संजीव धामणे, मुख्याध्यापक मनोहर बडगुजर, उपमुख्याध्यापक दिपक बाकळे, पर्यवेक्षक मनोहर शिंदे, अविनाश सोनवणे यांनी विद्यार्थ्यांचे कौतुक केले.

नांदगाव शहरातील संगिता सोनवणे यांची महाराष्ट्र शासनाच्या माझी वसुंधरा योजनेसाठी ब्रँड अँम्बेसिडर म्हणून नियुक्ती,

: नांदगाव (प्रतिनिधी) - नांदगाव येथील  विविध समाजपयोगी उपक्रमाची तसेच समाजेसेवेची दखल घेत महाराष्ट्र शासनाच्या माझी वसुंधरा २०२३- २४ योजनेसाठी नांदगाव नगर परिषदेच्या वतीने ( “ब्रँड अँम्बेसिडर " ) म्हणून समाजसेविका संगिता सोनवणे यांची नियुक्ती करण्यात आली. शहरातील छत्रपती शिवाजी महाराजांच्या उपासक व सेवेकरी संगीता सोनवणे यांच्या निवडीने  सर्वत्र अभिनंदन करण्यात येत आहे.

  त्यांनी नांदगाव नगरपरिषद परिसरात विविध समाजोपयोगी उपक्रम राबविले असून, यापूर्वी त्यांना महाराष्ट्र शासनाचा महाराष्ट्र गौरव पुरस्कार, विविध सामाजिक संस्थांतर्फे समाजभूषण व अभिमान महाराष्ट्र पुरस्काराने सन्मानित करण्यात आले आहे. आता नांदगाव नगरपरिषद प्रशासनाने स्वच्छ सर्वेक्षण २०२३ आणि  वसुंधरा अभियान अंतर्गत संदेश/पर्यावरणाचा ब्रँड अॅम्बेसेडर म्हणून निवड करण्याचा निर्णय घेतला आहे. समाजसेविका संगिता सोनवणे यांनी सांगितले की, "  शहरातील स्वच्छतेत तसेच पर्यावरण जागृतीसाठी सहकार्य करण्याचे आश्वासन दिले आहे.

दैनिक सकाळचे बातमीदार बाबासाहेब कदम यांना २०२२-२३ चा उत्कृष्ट पत्रकारिता पुरस्कार जाहीर, जिल्हा मराठी पत्रकार संघातर्फे घोषणा लवकरच मान्यवरांच्या हस्ते होणार गौरव,

          बाबासाहेब कदम,   पत्रकार 

 नांदगाव (प्रतिनिधी ) - नाशिक जिल्ह्यातील क्रियाशील पत्रकारांची एकमेव संघटना असलेल्या नाशिक जिल्हा मराठी पत्रकार संघ रजि.नाशिक चे सन्माननीय २०२२-२३ च्या जीवनगौरव व उत्कृष्ट पत्रकारिता पुरस्कार संस्थापक-जिल्हाध्यक्ष यशवंत पवार व जिल्हाध्यक्ष आण्णासाहेब बोरगुडे यांनी जाहिर केले.ज्येष्ठ पत्रकार स्व.गंगाधर खुटाडे व ज्येष्ठ पत्रकार स्व.सुरेश अवधूत यांचे स्मरणार्थ दिला जाणारा जीवनगौरव पुरस्कार अनुक्रमे ओझरमिग येथील दै.'लोकमत'चे ज्येष्ठ पत्रकार बाळासाहेब वाघ व वाडीवर्हे येथील दिवंगत ज्येष्ठ पत्रकार स्व.अशोक शिंदे यांना मरणोत्तर प्रदान करण्यात येणार आहे.

            नाशिक जिल्हा मराठी पत्रकार संघाच्यावतीने दरवर्षी पत्रकार दिनानिमित्त गत वर्षभरात जनसामान्यांच्या प्रश्नांना वाचा फोडून तसेच विविध घडामोडिंचे उत्कृष्ट वृत्तांकन करुन त्यांना न्याय मिळवून देण्यात अग्रेसर असलेल्या पत्रकारांचा पुरस्काराने गौरव करण्यात येतो.त्याच बरोबर पत्रकारितेत ३० वर्षाहून अधिक योगदान देणारे व वयाची साठी ओलांडलेल्या [६० वर्ष ] ज्येष्ठ पत्रकारांना 'जीवनगौरव' पुरस्काराने सन्मानित करण्यात येते.

    उर्वरित पुरस्कारार्थींमधे बाबासाहेब कदम (सकाळ-नांदगाव), भास्कर भोये (देशदूत-सुरगाणा),सुनील घुमरे(पुण्यनगरी-जानोरी ता.दिंडोरी),संदीप पाटील (देशदूत-कळवण),राकेश आहेर (लोकमंथन-देवळा),हर्षल गांगुर्डे (सकाळ-चांदवड),योगेश अडसरे (लोकनामा-करंजी),विलास पगारे (गावकरी-येवला),अनिल गांगुर्डे (पुढारी-वणी),श्रीमती सोनाली गोरवाडकर (नगारा-मालेगाव),भिमा शिंदे (देशदूत-पाटोदा),चंद्रकांत जगदाळे (पुढारी-निफाड),समाधान तुपे (दिव्य मराठी-सिन्नर)मंगेश शिंदे(सकाळ ईगतपुरी),लियाकतखान पठाण (गावकरी-नाशिक ग्रा)राहुल बोरसे(सकाळ-त्र्यंबकेश्वर),राजेंद्र खुले(लोकनामा-नाशिक शहर),मायकल जाॅन खरात (प्रहार-नाशिक शहर),वैभव पवार (उत्कृष्ठ वृत्तवाहिनी प्रतिनिधी-खामखेडा) तर उत्कृष्ठ तालुका मराठी पत्रकार संघ पुरस्काराचे चांदवड तालुका मराठी पत्रकार संघाचा समावेश आहे.

    लवकरच मान्यवरांच्या हस्ते  पुरस्कारप्राप्त पत्रकारांना समारंभपूर्वक गौरविण्यात येणार असल्याची माहिती यशवंत पवार व आण्णासाहेब बोरगुडे यांनी दिली.

नांदगाव येथील जे. टी. कासलीवाल इंग्लिश मीडियम स्कूल मध्ये क्रीडा महोत्सवास उत्साहात सुरुवात ,

नांदगाव ( प्रतिनिधी) -  आज  बुधवारी दि.१ फेब्रुवारी रोजी नांदगाव येथील जे. टी. कासलीवाल इंग्लिश मीडियम स्कूल मध्ये क्रीडा महोत्सवास मोठ्या उत्साहात सुरुवात झाली. या कार्यक्रमाचे अध्यक्षस्थान एम.जे. कासलीवाल एज्युकेशन संस्थेचे चेअरमन मा. सुनीलकुमारजी कासलीवाल यांनी भूषविले. कार्यक्रमाचे अध्यक्ष तसेच संस्थेच्या सर्व पदाधिकाऱ्यांचे स्वागत स्कूलचे प्राचार्य मनी चावला यांनी गुलाबपुष्प देऊन केले .कार्यक्रमाची सुरुवात प्रतिमापूजन व दीप प्रज्वलनाने तसेच वर्ग ६वी व ३रीच्या विद्यार्थ्यांनी गायलेल्या प्रार्थना गीताने झाली. यानंतर शालेय क्रीडा शिक्षक बागुल सर यांच्या मार्गदर्शनाखाली इयत्ता आठवी व नववीच्या विद्यार्थ्यांनी रेड, ग्रीन, ब्ल्यू, यलो या हाऊस प्रमाणे संचलन केले. त्यानंतर सांस्कृतिक कार्यक्रम सादर करण्यात आला. या कार्यक्रमांमध्ये विद्यालयातील विद्यार्थ्यांनी सुंदर असे नृत्य सादर केले आणि कार्यक्रमाची शोभा वाढवली. कार्यक्रमाचे उद्घाटन कार्यक्रमाचे अध्यक्ष यांनी लाल फीत कापून तसेच संस्थेच्या पदाधिकाऱ्यांनी शालेय ध्वज फडकवत श्रीफळ वाढवत, मशाल पेटवून केले. त्यानंतर संस्थेचे चेअरमन मा.सुनीलकुमारजी कासलीवाल यांनी सर्व विद्यार्थ्यांना क्रीडा खेळाची शपथ दिली.

या कार्यक्रमांमध्ये विविध खेळांचे आयोजन करण्यात आले आहे. यामध्ये कबड्डी खो-खो, रनिंग रेस, डॉजबॉल, लिंबू चमचा, पोते उडी याप्रमाणे अनेक खेळांचे आयोजन करण्यात आले आहे. यामध्ये विविध विद्यार्थी आपले कौशल्य दाखवीत मोठ्या प्रमाणात सहभागी होणार आहेत.

       या कार्यक्रमासाठी मनमाड शहराचे प्रसिद्ध उद्योजक श्री. सुदेश अरोरा तसेच संस्थेचे सेक्रेटरी विजय चोपडा, जुगलकिशोर अग्रवाल, महेंद्रभाऊ चांदिवाल तसेच सौ.क मा. कासलीवाल माध्यमिक व प्राथमिक विद्यालयाचे मुख्याध्यापक श्री डफळ सर ,सावंत सर शिक्षक शिक्षक शिक्षकेतर कर्मचारी ,विद्यार्थी, पालक उपस्थित होते. या कार्यक्रमाचे सूत्रसंचालन सौ. शालिनी गोयल व सुदर्शन चोळके यांनी केले तर आभार शालेय क्रीडामंत्री अनुष्का सोनवणे यांनी मानले.