उद्या इयत्ता दहावीची परीक्षा, नांदगाव तालुक्यातील विविध केंद्रांवर परीक्षेचं आयोजन,

नांदगाव (प्रतिनिधी) - महाराष्ट्र राज्य माध्यमिक शिक्षण मंडळाची एसएससी (इयत्ता १०वी) ची परीक्षा उद्या (ता. २१) पासून सुरू होत आहे. या परीक्षेसाठी नांदगाव तालुक्यातील परीक्षार्थीं परिक्षा देणार आहेत . परीक्षा कालावधीत अनावश्यक लोकांनी परीक्षा केंद्र परिसरात फिरकू नये. विद्यार्थ्यांना तणावमुक्त वातावरणात परीक्षा देण्यासाठी परीक्षा केंद्रावर शांतता ठेवावी अन्यथा कडक कारवाई केली जाईल, असा इशारा शिक्षण प्रशासनाने कडून दिला आहे. 

   इयत्ता १२ वी प्रमाणेच इयत्ता १०वीची परीक्षाही कॉपी मुक्त वातावरणात व्हावी, यासाठी जिल्हा प्रशासनाने तयारी केली आहे. परिक्षा केंद्रावर परीरक्षकांची नियुक्ती करण्यात आली आहे. तसेच कॉपीचे प्रकार थांबवण्यासाठी भरारी पथके तयार करण्यात आली आहेत. कॉपीमुक्त अभियानासाठी दक्षता समिती तयार करण्यात आली आहे.    राज्य परीक्षा मंडळाकडून  भरारी पथके नियुक्त केली आहेत. या शिवाय जिल्हाधिकारी स्तरावरून विशेष भरारी पथकांची नेमणूक करण्यात आली आहे.  परीक्षा मंडळाकडून तालुक्याच्या ठिकाणी असलेल्या परीक्षा केंद्रावरील परीक्षार्थींची सरमिसळ करण्यात आली आहे.

आजपासून एचएससी १२वी परिक्षेला सुरुवात होणार, नांदगाव केंद्राची बारावी परीक्षेची आसनव्यवस्था जाहीर,

नांदगाव ( प्रतिनिधी) -  महाराष्ट्र राज्य माध्यमिक व उच्च माध्यमिक शिक्षण मंडळाच्या वतीने फेब्रुवारी/मार्च २०२५ मध्ये घेण्यात येणाऱ्या बारावी परीक्षेची नांदगाव केंद्र क्रमांक 0220 ची आसन व्यवस्था जाहीर करण्यात आली आहे. आज मंगळवारी दि. ११ फेब्रुवारी पासून सुरू होत असलेल्या बारावीच्या परीक्षेसाठी नांदगाव,भालूर व साकोरे येथील कनिष्ठ महाविद्यालयाचे विद्यार्थी प्रविष्ट होत आहेत. या परीक्षेची आसनव्यवस्था कला, वाणिज्य व विज्ञान महाविद्यालय,नांदगाव च्या इमारतीत करण्यात आलेली आहे. या एच.एस.सी. परीक्षा केंद्रात विज्ञान शाखेचे आसन क्रमांक S022491 ते S022781,  कला शाखेचे आसन क्रमांक S101238 ते S101528 तर वाणिज्य शाखेचे आसन क्रमांक S153564 ते S153657 असे  परीक्षा केंद्राचे एकूण 675 परीक्षार्थी विद्यार्थ्यांची आसनव्यवस्था करण्यात आलेली आहे. तरी याची सर्व संबंधित विद्यार्थ्यांनी नोंद घ्यावी अशी माहिती महाविद्यालयाकडुन देण्यात आली आहे. परीक्षार्थी विद्यार्थ्यांनी परीक्षेला येताना वेळापत्रकातील वेळेच्या तीस मिनिटे आधी परीक्षा केंद्रात वेळेत उपस्थित राहावे. परीक्षेला येताना कोणत्याही प्रकारचे आक्षेपार्ह साहित्य सोबत आणू नये असे आवाहन केंद्र संचालक जी.व्ही.बोरसे व प्राचार्य डॉ. आर‌. एन.भवरे यांनी केले आहे.

नांदगाव शहरातील कोर्ट गल्लीच्या रस्त्यात मधोमध भलामोठा खड्डा!! खड्डा लवकरात लवकर बुजवावा नागरिकांची मागणी,

नांदगाव (प्रतिनिधी ) - नांदगाव शहरातील कोर्ट गल्ली ते भोंगळे रोड जोडणारा रस्त्यात मधोमध भलामोठा खड्डा खदल्याने ये-जा करण्यास वाहतुकीस नागरिकांना त्रास होत आहे. नागरिकांना जीव मुठीत धरून तारेवरची कसरत करावी लागते. खड्डा असल्याने लहान - मोठे अपघात होऊ शकते. नादुरुस्त रस्ते आणि अपघात हे नेहमीचेच समीकरण आहे. नागरिकांचा नाहक बळी जातो. तरीही नगरपालिका प्रशासनाने लवकरात लवकर खड्डा बुजवून टाकावा अशी मागणी नागरिकांची असते. तसेच जामा मस्जिद ते गुलजार वाडी कडे जाणाऱ्या रस्त्याची दुरवस्था झालेली आहे. पावसाचे व नळाचे पाणी खड्ड्यात साचून दिवसेंदिवस अडचणी निर्माण होत आहे. त्यामुळे या मार्गावरील खड्डे बुजवून रस्त्याचे नूतनीकरण करावे, अशी मागणी नागरिकांनी केली आहे.

परिक्षा केंद्रावर बुरखावर बंदी करू नये, नांदगावच्या उर्दू शाळेतील विद्यार्थ्यांची मागणी,

नांदगाव ( प्रतिनिधी) - महाराष्ट्र राज्यात दहावी एसएससी बोर्डाच्या परीक्षा २१ फेब्रुवारीपासून सुरू होत आहेत. त्याआधी मंत्री नितेश राणेंनी शिक्षणमंत्र्यांना पत्र लिहिलं आहे. पत्रात परीक्षेला बुरखा घालून येणाऱ्यांवर बंदी आणावी अशी मागणी केली आहे. राणेंनी शालेय शिक्षण मंत्री दादा भुसे यांना पत्र लिहून ज्या मुली बुरखा घालून परीक्षेला येतील त्यांना केंद्रावर प्रवेश देऊ नये असं म्हटलं आहे. यांवर आता बुरखा घालणाऱ्या शाळेतील विद्यार्थ्यांनी प्रतिक्रिया दिल्या आहेत. नांदगावच्या उर्दू शाळेतील इयत्ता दहावीत शिकणाऱ्या विद्यार्थ्यांनी सांगितले की, इस्लाम धर्मात स्त्रीयांना बुरखा घालणे गरजेचे आहे . परिक्षा दालनात बुरखावर बंदी करू नये . परिक्षा जवळ येत असताना अशा वक्तव्यामुळे अभ्यासात दडपण येऊन आमच्या परिक्षेत परिणाम दिसून येणार असं मत विद्यार्थ्यांनी दिलं आहे. तसेच शालेय शिक्षण मंत्री दादा भुसे यांनी यांवर बोलताना बुरखा असो किंवा नसो कोणीही विद्यार्थी कॉपी करणार नाही. परिक्षा केंद्रावर पोलिस बंदोबस्त तैनात असेल अशी माहिती त्यांनी दिली आहे.

लोकशाहीचा चौथास्तंभ म्हणून "पत्रकारितेची" जबाबदारी अत्यंत महत्वाची - गटशिक्षणाधिकारी प्रमोद चिंचोले,

नांदगाव (प्रतिनिधी) - लोकशाहीचा चौथास्तंभ म्हणून  पत्रकारितेची जबाबदारी अत्यंत महत्वाची आहे.``उघडा डोळे बघा नीट'' या टॅग लाईननुसार पत्रकारांची भुमिका समाजामध्ये फार महत्त्वाची असल्याचे प्रतिपादन नांदगाव पंचायत समितीचे गटशिक्षणाधिकारी प्रमोद चिंचोले यांनी नांदगाव मराठी पत्रकार संघाच्या वतीने आयोजित विद्यार्थी गुणगौरव सोहळ्या प्रसंगी केले. 

 पत्रकार दिनानिमित्त नाशिक जिल्हा मराठी पत्रकार संघ संलग्नित नांदगाव तालुका मराठी पत्रकार संघाच्या वतीने पत्रकार दिनाचे औचित्य साधत शैक्षणिक, साहित्य आणि क्रीडा क्षेत्रात उल्लेखनीय कामगिरी केलेल्या गुणवंत विद्यार्थ्यांचा गुणगौरव सोहळा आयोजित करण्यात आला होता.  यावेळी कार्यक्रमाच्या अध्यक्षस्थानी नांदगाव पंचायत समितीचे गटशिक्षणाधिकारी प्रमोद चिचोले होते. व्यासपीठावर जेष्ठ पत्रकार विजय चोपडा, संजीव धामणे, संजीव निकम, बब्बुभाई शेख,पत्रकार संघाचे तालुकाध्यक्ष अध्यक्ष  संजय मोरे, उपस्थित होते.

    याप्रसंगी महापुरुषांच्या प्रतिमेसह पत्रकारितेचे जनक आचार्य बाळशास्त्री जांभेकर यांच्या प्रतिमांना मान्यवरांच्या हस्ते पुष्पहार अर्पण करून अभिवादन करण्यात आले. यावेळी जेष्ठ पत्रकार

संजीव निकम यांनी बोलतांना सांगितले की,

या क्षेत्रात अनेकांनी यावे, कोणीही देईल यावर न थांबता यासाठी वाचन व मनन करणे  महत्त्वाचे आहे.नाशिक जिल्ह्याच्या शेवटच्या दुर्लक्षीत तालुक्यात राहून पत्रकारिता आपण करत आहात ही कौतुकास्पद बाब आहे. याप्रसंगी जेष्ठ पत्रकार बब्बुभाई शेख, समाधान चौधरी यांनी मनोगत व्यक्त केले. कार्यक्रमाचे  सुत्रसंचालन व आभार अनिल आव्हाड यांनी केले..

यावेळी अमिन शेख, चंचल गंगवाल, महेश पेवाल,

 मोहम्मद शेख, मंगेश सोनस, गणेश जाधव, परवेज शेख,  विजय धामणे, विजय भावसार,अझर शेख, सुहास पुणतांबेकर , सतीश परदेशी, सचिन गायकवाड , बाबासाहेब काळे, सचिन पांडे, निखिल  मोरे, रईस शेख, संतोष  खताळ,आवेश  कुरेशी, जुनैद शेख, विलास आहिरे,डॉ. हिरामण मनोहर पत्रकार उपस्थित होते.